Euskal Herriko Agintaritzaren Aldizkaria

63. zk., 2016ko apirilaren 5a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO ZUZENEKO LAGUNTZA EMATEKO UNITATE PROZESALA

1422

EDIKTUA, gauza komuna zatitzeko egintzari buruzko 374/2015 prozedura arruntaren ondoriozkoa.

Vitoria-Gasteizko Lehen Auzialdiko 3 zenbakiko Epaitegia - Zuzeneko Laguntza Zibila emateko Unitate Prozesala.

Judizioa: 374/2015 prozedura arrunta.

Demandatzailea: Amaia Ibisate Lopez de Eguileta, Enrique Ibisate Lopez de Eguileta eta Maria Teresa Ibisate Lopez de Eguileta.

Abokatua:

Prokuradorea: Maria Blanca Bajo Palacio, Maria Blanca Bajo Palacio eta Maria Blanca Bajo Palacio.

Demandatua: Julia Lopez Audicana, Teodora Lopez Audicana, Nicanor Lopez Audicana Oña, Guillermo Audicana, Crispin Sotero Lopez Audicana, Feliciana Lopez Audicana eta Andres, Pedro Jauregui Querejazu Jaureguiren jaraunsleak eta Pedro Jauregui Querejazu.

Gaia: gauza komuna banatzeko egintza.

Judizio horretan, epaia eman da 2016-03-02an. Hona hemen epaitza:

EPAITZA

Erabaki da osorik baiestea María Blanco Bajo Palacio prokuradoreak Amaia, Enrique eta María Teresa Ibisate López de Aguiletaren izenean eta ordez jarritako demanda, honako hauen aurkakoa: Nicanor López Audicana Oña eta haren jaraunsle diren Guillermo, Julia, Teodora, Crispín Sotero eta Feliciana López de Audicana eta Andrés. Hortaz, honako erabaki hauek hartzen ditut:

a) Vitoria-Gasteizko 5 zenbakiko Jabetza Erregistroan inskribatuta dagoen finka hori (820. liburukia, 18. liburua, 97. orria, 1. inskripzioa, 1.144 zenbakiduna, Idufir-zk. 01009000706621) honako hauen jabetza indibisoa da: María Teresa Ibisate López de Aguiletarena heren batean eta bi bederatziren indibisoetan, eta Enrique eta Amaia Ibisate López de Aguiletarena bi bederatziren indibisoetan bakoitza, legatudun eta haien ama Francisca López de Aguileta y Sáez de Ocáriz zenaren jaraunsle gisa; deklarazio hau onartu eta betetzera behartzen ditut demandatuak.

b) Horrenbestez, agintzen dut Vitoria-Gasteizko 5 zenbakiko Jabetza Erregistroan inskribatuta dagoen finka honen jabariari buruzko inskripzioa (820. liburukia, 18. liburua, 97. orria, 1. inskripzioa, 1.144 zenbakiduna, Idufir-zk. 01009000706621) deuseztatzea eta jabari horren gaineko eskubidea, emango den epaiaren arabera, auzi-jartzaileen alde pro indibiso inskribatzea, aurreko paragrafoan aipatzen diren proportzioetan.

c) Prozesuan sortutako kostuak ordaintzera kondenatzen dut alderdi demandatua.

Jakinaraz bekie ebazpen hau alderdiei.

Inpugnatzeko modua: apelazio-errekurtsoa, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2. artikulua).

Errekurtsoa jarri ahal izateko, 50 euroko gordailua jarri behar da, eta, hori egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (0011 0000 04 0374 15). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta bai doako laguntza juridikorako eskubidea aitortua dutenak ere.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen, eta nik, Justizia Administrazioaren letradua naizenez, horren guztiaren fede ematen dut Vitoria-Gasteizen, bi mila eta hamaseiko martxoaren bian.

Julia Lopez Audicana, Teodora Lopez Audicana, Nicanor Lopez Audicana Oña, Guillermo Audicana, Crispin Sotero Lopez Audicana, Feliciana Lopez Audicana eta Andres, Pedro Jauregui Querejazu Jaureguiren jaraunsleak eta Pedro Jauregui Querejazu demandatuen egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Vitoria-Gasteiz, 2016ko martxoaren 3a.

JUSTIZIA ADMINISTRAZIOAREN LETRADUA.

Azterketa dokumentala