Euskal Herriko Agintaritzaren Aldizkaria

62. zk., 2016ko apirilaren 4a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

OSAKIDETZA-EUSKAL OSASUN ZERBITZUA

1392

76/2016 EBAZPENA, urtarrilaren 26koa, Osakidetza-Euskal osasun zerbitzuko zuzendari nagusiarena. Horren bidez, Hematologia-Hemoterapiako FEM kategoriako hautatze-prozesuari buruzko Euskal Autonomia Erkidegoko Justizia Auzitegi Nagusiaren 709/2012 epaia betetzen da (2002ko EPE).

Euskal Autonomia Erkidegoko Justizia Auzitegi Nagusiaren 709/2012 epaia ikusi da eta agindu judizialari dagokion administrazio-espedientea aztertu da, ondoko hauetan oinarrituta:

AURREKARIAK

Lehenengoa.– Osakidetzako zuzendari nagusiaren apirilaren 26ko 273/2002 Ebazpenean oinarrituta, Osakidetza-Euskal osasun zerbitzuko zerbitzu sanitarioen erakundeetako destinoetarako, Hematologia eta Hemoterapiako Fakultatibo Espezialista Medikoen kategoriako lanbide-taldearen hautatze-prozesua arautuko duten oinarri espezifikoak onartzen dira (2002ko maiatzaren 21ko EHAA, 94 zk.)

Osakidetzako Giza Baliabideetako zuzendariaren 129/2003 Ebazpenaren bitartez, otsailaren 10ekoa, Hematologia-Hemoterapiako FEM kategoriako hautatze-prozesuaren oposizio-aldian gainditu dutenen zerrenda EHAAn argitaratzeko agintzen da (2003ko otsailaren 24ko EHAA, 39 zk), eta Maria Cristina Martinez Bilbao andreak 81,2500 puntu lortu zituen oposizio-aldian.

Ondoren, Osakidetzako Giza Baliabideetako zuzendariaren uztailaren 7ko 467/2003 Ebazpenaren bidez, Hematologia-Hemoterapiako FEM kategoriako puntuazioaren araberako izangaien behin-behineko zerrenda EHAAn argitaratzeko agindua eman zen (2003ko uztailaren 31ko EHAA, 149 zk.), eta, I. eranskinean, Maria Cristina Martinez Bilbao andreak zeukan puntuazio orokorra 108,8275 puntukoa zela agertu zen.

Osakidetzako Giza Baliabideetako zuzendariaren azaroaren 4ko 622/2003 Ebazpenean, izangaien puntuazioaren araberako behin betiko zerrenda argitaratzea agintzen duen ebazpenean, alegia, (2003ko abenduaren 1eko EHAA, 235 zk.), Hematologia-Hemoterapiako FEM kategorian, Maria Cristina Martinez Bilbao andreak 108,8275 punturekin jarraitzen du puntuazio orokorrean.

Ondoren, Osakidetza-Euskal osasun zerbitzuko zuzendari nagusiaren martxoaren 2ko 167/2004 Ebazpena eman zen. Horren bidez, Hematologia-Hemoterapiako FEM kategorian, hutsik zeuden destinoak esleitu eta izendapenak egin ziren (2004ko apirilaren 19ko EHAA, 72 zk.).

Maria Cristina Martinez Bilbao andrearen azken puntuazioa ikusirik, hautatze-prozesuan ez du lortu Hematologia-Hemoterapiako FEM kategoriako destinorik, 2002ko EPEaren prozesuaren barruan.

Bigarrena.– Osakidetzako Giza Baliabideetako zuzendariaren azaroaren 4ko 622/2003 Ebazpenaren kontra egiteko eskatzen duen Vitoria-Gasteizko Administrazioarekiko Auzietako 2. zenbakiko Epaitegiko prozedura judiziala amaitutzat jotzen duen 2009ko uztailaren 15eko epaiak (PAB 145/2004), lehen auzialdian, baietsi egiten du jarritako demanda.

Ondoren, Euskal Autonomia Erkidegoko Justizia Auzitegi Nagusiak 709/2012 epaia eman zuen. Horren bidez, Osakidetzak jarritako apelazio-errekurtsoa ezetzi zuen eta apelatutako epaia berretsi zuen, epaia irmotzat deklaratzen zela adieraziz.

Hirugarrena.– Osakidetza-Euskal osasun zerbitzuko Giza Baliabideetako zuzendariaren uztailaren 20ko 217/2015 Ebazpenaren bidez, alegazioak aurkezteko epea ezarri zen.

ZUZENBIDEKO OINARRIAK

Lehena. - Osakidetza-Euskal osasun zerbitzuko zuzendari nagusiari dagokio epaia betearaztea, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzua Ente Publikoaren Estatutu Sozialak ezartzen dituen azaroaren 11ko 255/1997 Dekretuak ematen dizkioten eskumenen arabera.

Bigarrena.– Administrazioarekiko auziez arduratzen diren epaitegi eta auzitegiek beren epaiak betearazteko eskumena dute; prozesuko alderdiek, berriz, epai eta ebazpen horiek bertan adierazten den moduan bete behar dituzte, horixe xedatzen baita administrazioarekiko auzietako jurisdikzioa arautzen duen uztailaren 13ko 29/1998 Legearen 103.1 eta 103.2 artikuluetan.

Hematologia-Hemoterapiako FEM kategoriako oposizio-aldiari buruz, 2002ko Enplegu Publikoaren Eskaintzako testuinguruan, Euskal Autonomia Erkidegoko Justizia Auzitegi Nagusiak, 709/2012 epaia betez, oposaketaren atalean hartutako erabakiak 82,2500 puntu ematen dizkio Maria Cristina Martinez Bilbao andreari eta, hori horrela, hautatze-prozesuan lortutako puntuazio orokorra, guztira, 109,8275 puntukoa da.

Prozesuan lortutako puntuazio orokor berria ikusirik (109,8275 puntu), Osakidetza-Euskal osasun zerbitzuko Giza Baliabideetako zuzendariaren 217/2015 Ebazpenari jarraikiz, Maria Cristina Martinez Bilbao andreari, deialdiaren oinarrietan ezarritako prozeduraren arabera, destinoa hartzeko aukera aitortu zitzaion, eta, halaber, dokumentazioa eta alegazioak aurkezteko epea ezarri zen.

Cristina Martínez Bilbao andreak, alegazioen idatzi batekin batera, dokumentazioa aurkeztu zuen Osakidetza-Euskal osasun zerbitzuko Giza Baliabideetako zuzendariaren 217/2015 Ebazpenean horretarako emandako epean. Aipatutako dokumentazioa aztertu da, Hematologia-Hemoterapiako FEM kategoriako hautatze-prozesuaren esparruan, epaia bidezkoak diren baldintzetan betetzeko, eta, horren ondorioz, Donostiako Ospitaleko (Donostialdea ESI) destinoaren esleipena egin da, Hematologia Hemoterapiaren Fakultatibo Espezialistaren kategorian.

Prozedura izapidetzean egin diren gainontzeko administrazio-egintzak, hain zuzen ere, orain aldatutakoekin zerikusirik ez dutenak, bere horretan utziko dira, gauzatu ziren moduan (azaroaren 26ko 30/1992 Legearen 66. artikulua).

Hirugarrena.– Prozedura hau izapidetzean interesatuei entzun zaie, halaxe ezartzen baitu Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 84. artikuluak.

Horregatik guztiagatik, honakoa

EBAZTEN DUT:

Lehenengoa.– Euskal Autonomia Erkidegoko Justizia Auzitegi Nagusiaren 709/2012 epaia betetzeko xedatzea. Horren bidez, ezetsi egiten da Hematologia-Hemoterapiako FEM kategoriako oposizio-aldian, 2002ko Enplegu Publikoaren Eskaintzaren testuinguruan, Osakidetzak puntuazioa onartzeari buruz jarritako apelazio-errekurtsoa.

Bigarrena.– Epai judiziala izapide hauen bitartez gauzatzea:

1.– Hemotologia-Hemoterapiako FEM kategoriako hautatze-pruzesuan, Maria Cristina Martinez Bilbao andreari, 2002ko EPEaren testuinguruan, oposizio-aldian 82,2500 puntuko puntuazioa onartzea, eta puntuazio orokorrean 109,8275 puntu onartzea.

2.– Ezarritako prozedura oinarri hartuta, Maria Cristina Martinez Bilbao andreari destinoa esleitzea, txanda librean, Donostiako Ospitalean (Donostialdea ESI), Hematologia-Hemoterapiako FEM kategorian.

3.– Maria Cristina Martinez Bilbao andrea estatutupeko langile finko izendatzea Hematologia-Hemoterapiako FEM kategorian, Donostiako Ospitalean (Donostialdea ESI).

4.– María Cristina Martínez Bilbao andreak hilabeteko epea izango du dagokion destinoaz jabetzeko, izendapenaren ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera.

Destinoko lanpostuaz jabetzeko ekitaldia Osakidetza-Euskal osasun zerbitzuaren Zuzendaritza Nagusian izango da, egoitza zentralean, eta esleipendunak dokumentazio hau aurkeztu beharko du ekitaldi horretan:

– Elkargokide izatearen ziurtagiria.

– Zinpeko aitorpena edo hitzematea, honako hau jakinarazteko: ez da diziplina-espediente baten bidez inongo administrazio publikotako zerbitzutik bereizi eta ez dago zeregin publikoetan jarduteko gaitasungabetuta.

– Azterketa medikoa, Osakidetza-Euskal osasun zerbitzuko Prebentzio Zerbitzuak emandakoa, destinoko lanpostua behar bezala betetzeko gaikuntza psikofisikoa baduela egiaztatzeko.

Esleipendunak, ezarri zaion epean, eskatutako agiriak aurkezten ez baditu edo, agiriak aztertuta, 3.2 oinarri-arauan eskatutako betekizunen bat bete gabe duela ikusten bada, ez du estatutupeko langile gisa esleitu zaion lanpostuaz jabetzerik izango, eta baliorik gabe geratuko dira ordura arteko jarduketak; horrez gain, erantzukizuna ere eskatu ahal izango zaio hasierako eskaera faltsutzeagatik.

Era berean, interesdunari jakinarazten zaio lanpostuaz jabetzeko ekitaldira dagokion epearen barruan edo, hala badagokio, emandako luzapenean, aurkeztu ezean, galdu egingo dituela hautaketa-probei buruzko ebazpenetan aitortu zitzaizkion eskubideak.

Orain arte adierazitakoari jarraituz, izangaia lanpostuaz jabetzen bada, egin beharreko eginbideak egin eta hurrengo egunean hasiko da lanean, osasun-zerbitzuaren barruan esleitu zaion erakundean.

Hirugarrena.– Ebazpen honetan xedatutakoaren eraginetik at geratzen diren gainerako egintza eta izapideek bere hartan jarrai dezatela agintzea.

Laugarrena.– Ebazpen hau EHAAn argitara dadila agintzea, Maria Cristina Martinez Bilbao andreari jakinaraztea eta Vitoria-Gasteizko Administrazioarekiko Auzietako 2. zenbakiko Epaitegiari komunikatzea.

Bosgarrena.– Epaia betetzeko izapideetan sor daitezkeen gorabeherak aztertzea eta ebaztea aipatutako epaitegiari dagokio, halaxe ezartzen baita Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan.

Vitoria-Gasteiz, 2016ko urtarrilaren 26a.

Osakidetza-Euskal osasun zerbitzuko zuzendari nagusia,

JON JOSEBA ETXEBERRIA CRUZ.

Azterketa dokumentala