42. zk., 2016ko martxoaren 2a, asteazkena
- Bestelako formatuak:
- PDF (189 KB - 1 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
GETXOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA
941
EDIKTUA, behin betiko neurriak aldatzeari buruzko 478/2014 prozeduraren ondoriozkoa.
JAKINARAZPEN-ZEDULA
Aipatu prozeduran, ebazpena eman da, eta hau dio:
EPAITZA
Osorik baiesten dut Legorburu Uriarte prokuradoreak María José González Ríosen izenean eta ordezkaritzan aurkeztutako demanda, auzi-ihesean den Xabier Urbieta Ibarrondoren aurka, eta Fiskaltzak ere parte hartu du. Horrenbestez, erabaki dut Xabier Urbieta Irarrondo eta XXXXX eta YYYYY bere seme-alaben arteko bisita-erregimena etetea. Bisita-erregimen hori Getxoko Lehen Auzialdiko 1 zenbakiko Epaitegiaren epaian erabaki zen, 2014ko urtarrilaren 20an, bien seme-alaben neurriei buruzko 119/2013 autoetan; gainerakoan, ez da aldatzen aipatu epaia. Ez da kosturik ezartzen.
Jakinaraz bekie ebazpen hau alderdiei eta Fiskaltzari.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, egin ezean, ez da errekurtsoa izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Getxon (Bizkaia), bi mila eta hamabosteko azaroaren hamarrean.
Xabier Urbieta Ibarrondo non dagoen ez dakigunez, ediktu hau ematen dut jakinarazpen-zedularen balioa izan dezan.
Getxo (Bizkaia), 2016ko otsailaren 4a.
IDAZKARIA.