Euskal Herriko Agintaritzaren Aldizkaria

31. zk., 2016ko otsailaren 16a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HEZKUNTZA, HIZKUNTZA POLITIKA ETA KULTURA SAILA

693

EBAZPENA, 2016ko otsailaren 5ekoa, Kultura, Gazteria eta Kiroletako sailburuordearena, Euskadiko kirol-federazioen 2016ko kirol-programak finantzatzeko diru-laguntzen ebazpen-proposamen bat emateko eta organo honi aurkezteko ardura duen kalifikazio-batzordearen kideak izendatzen dituena, eta batzorde horren osaeraren berri ematen duena.

Ikusirik Hezkuntza, Hizkuntza Politika eta Kulturako sailburuaren 2015eko abenduaren 15eko Agindua, Euskadiko kirol-federazioen 2016ko kirol-programak finantzatzeko diru-laguntzen deialdia arautzen duena.

Ikusirik Euskadiko kirol-federazioen kirol-programetarako diru-laguntzak ematea arautzen duen 2000ko abenduaren 26ko 287/2000 Dekretua.

Kontuan izanda aipatutako dekretuaren 7. artikuluak xedatzen duela, alde batetik, kalifikazio-batzorde bat sortuko dela aurkezten diren eskabideak eta dokumentazioa aztertzeko eta organo honi aurkeztuko dion ebazpen-proposamen arrazoitu bat emateko, eta, bestetik, Kultura, Gazteria eta Kiroletako sailburuordeak Gazteria eta Kirol Zuzendaritzako bi teknikari izendatuko dituela batzordekide.

Horiek horrela,

EBAZTEN DUT:

Lehenengoa.– Kalifikazio-batzordearen kideak izendatzea, eta batzorde horren osaeraren berri ematea. Batzordeak honako kide hauek izango ditu:

Batzordeburua: Jon Redondo Lertxundi (Gazteria eta Kirolen zuzendaria).

Batzordekideak:

● Elisabet Altube Bengoa (Gazteria eta Kirol Zuzendaritzako arduradun teknikoa).

● Carolina Muro Arroyo (Gazteria eta Kirol Zuzendaritzako teknikaria), batzordeko idazkari gisa jardungo duena.

Bigarrena.– Agintzea ebazpen hau Euskal Herriko Agintaritzaren Aldizkarian argitara dadila, jendeak horren berri izan dezan.

Vitoria-Gasteiz, 2016ko otsailaren 5a.

Kultura, Gazteria eta Kiroletako sailburuordea,

JOSÉ ÁNGEL MARÍA MUÑOZ OTAEGI.

Azterketa dokumentala