Euskal Herriko Agintaritzaren Aldizkaria

14. zk., 2016ko urtarrilaren 22a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EKONOMIAREN GARAPEN ETA LEHIAKORTASUN SAILA

303

EBAZPENA, 2015eko abenduaren 22koa, Nekazaritza eta Abeltzaintzako zuzendariarena, 382. ikastarotik 388. ikastarora bitarteko ikasleei honako txartel hauek ematea baimentzeko dena: produktu fitosanitarioak aplikatzeko oinarrizko mailako eta maila kualifikatuko txartelak.

GERTAKARIAK

Lehenengoa.– Fraisoroko Nekazaritza Eskolak, EHNE-Nafarroa sindikatuak eta Arkautiko Nekazaritza Eskolak, Arrasaten lehenengoak, Vitoria-Gasteizen bigarrenak eta Laguardian, Mañuetan eta Eskuernagan hirugarrenak, jarraian aipatzen diren ikastaroak eman dituzte:

– 382. ikastaroa, Fraisoroko Nekazaritza Eskolak emana, produktu fitosanitarioen txartela lortzekoa, oinarrizko mailakoa, Arrasaten emandakoa, B motako txartela eskuratzeko eskubidea dakarrena.

– 383. ikastaroa, EHNE-Nafarroak emana, produktu fitosanitarioen txartelaren egokitzapena lortzekoa, oinarrizko mailakoa, B motako txartela eskuratzeko eskubidea dakarrena.

– 384. ikastaroa, Arkautiko Nekazaritza Eskolak emana, produktu fitosanitarioen txartela lortzekoa, oinarrizko mailakoa, Laguardian emandakoa, B motako txartela eskuratzeko eskubidea dakarrena.

– 385. ikastaroa, Arkautiko Nekazaritza Eskolak emana, produktu fitosanitarioen txartela berriztatzekoa, maila kualifikatukoa, C motako txartela eskuratzeko eskubidea dakarrena.

– 386. ikastaroa, Arkautiko Nekazaritza Eskolak emana, produktu fitosanitarioen txartela berriztatzekoa, oinarrizko mailakoa, Mañuetan emandakoa, B motako txartela eskuratzeko eskubidea dakarrena.

– 387. ikastaroa, Arkautiko Nekazaritza Eskolak emana, produktu fitosanitarioen txartela berriztatzekoa, oinarrizko mailakoa, Eskuernagan emandakoa, B motako txartela eskuratzeko eskubidea dakarrena.

– 388. ikastaroa, Arkautiko Nekazaritza Eskolak emana, produktu fitosanitarioen txartela lortzekoa eta tituluak baliozkotzea, maila kualifikatukoak biak, C motako txartela eskuratzeko eskubidea dakarrena.

Irailaren 14ko 1311/2012 Errege Dekretuaren IV. eranskineko A zatian –oinarrizko mailari dagokionez–, eta B zatian –maila kualifikatuari dagokionez– jasotzen diren edukia eta ikastorduak kontuan hartuta eman dira zazpi ikastaro horiek, eta hurrenez hurren B eta C motako txartelak eskuratzeko eskubidea dakarte. Dekretu horren bitartez, produktu fitosanitarioak modu jasangarrian erabili ahal izateko jarduera-markoa ezartzen da.

Bigarrena.– Landare Osasunaren Batzorde Tekniko Koordinatzaileak txartelak ematearen aldeko proposamena egin du.

Ikusi dira, halaber, honako zuzenbide-oinarri hauek:

ZUZENBIDEKO OINARRIAK

Lehenengoa.– 1311/2012 Errege Dekretuaren 18.1.a) artikulua, gaitze-mailei buruzkoa, IV. eranskina, prestakuntza-gaiei buruzkoa, eta 20. artikulua, txartelak egin, berritu eta kentzeari buruzkoa.

Bigarrena.– Ekonomiaren Garapen eta Lehiakortasun Sailaren egitura organiko eta funtzionala ezartzen duen apirilaren 9ko 190/2013 Dekretuaren 20.1.b) artikulua, non landare-osasunaren alorreko eginkizunak Nekazaritzako eta Abeltzaintzako Zuzendaritzari ematen zaizkion. Horrenbestez, hau

EBAZTEN DUT:

Lehenengoa.– Nekazaritzan produktu fitosanitarioak aplikatzeko txartelak emateko agintzea:

1.– 382. ikastaroko oinarrizko mailakoa, ebazpen honetako I. eranskinean jasotako zerrendan diren pertsonentzat.

2.– 383. ikastaroko oinarrizko mailakoa, ebazpen honetako II. eranskinean jasotako zerrendan diren pertsonentzat.

3.– 384. ikastaroko oinarrizko mailakoa, ebazpen honetako III. eranskinean jasotako zerrendan diren pertsonentzat.

4.– 385. ikastaroko maila kualifikatukoa, ebazpen honetako IV. eranskinean jasotako zerrendan diren pertsonentzat.

5.– 386. ikastaroko oinarrizko mailakoa, ebazpen honetako V. eranskinean jasotako zerrendan diren pertsonentzat.

6.– 387. ikastaroko oinarrizko mailakoa, ebazpen honetako VI. eranskinean jasotako zerrendan diren pertsonentzat.

7.– 388. ikastaroko maila kualifikatukoa, ebazpen honetako VII. eranskinean jasotako bi zerrendetan diren pertsonentzat.

Bigarrena.– Ebazpen honen aurka, interesdunek gora jotzeko errekurtsoa jar diezaiokete Nekazaritzako, Arrantzako eta Elikagai Politikako sailburuordeari. Horretarako, hilabeteko epea izango dute, ebazpena argitaratzen den egunetik aurrera.

Vitoria-Gasteiz, 2015eko abenduaren 22a.

Nekazaritza eta Abeltzaintzako zuzendaria,

IKERNE ZULUAGA ZAMALLOA.

(Ikus .PDF)

Azterketa dokumentala