Euskal Herriko Agintaritzaren Aldizkaria

209. zk., 2015eko azaroaren 3a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

IRUNGO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA

4642

EDIKTUA, familia-zuzenbideko neurriak aldatzeari buruzko 1087/2015 prozeduraren ondoriozkoa.

Irungo Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: 91/2015 behin betiko neurriak aldatzea.

Demandatzailea: Adriana Elisabeth Castro Molina.

Abokatua: M.ª Luisa Alza Arocena.

Prokuradorea: Elizabeth Vertiz Mallotti.

Demandatua: Angel-Marcelo Guevara Cola.

Gaia.

Judizio horretan, epaia eman zen 2015-09-11n, eta honako hau da haren epaitza:

«Baiesten dut Elisabeth Vertiz Mallottik Adriana Elisabeth Castro Molinaren izenean eta ordezkaritzan aurkeztutako demanda, auzi-ihesean den Ángel Marcelo Guevara Colaren aurkakoa. Horrenbestez, XXXXX eta XXXXX adingabeen gaineko guraso-ahala kentzen diot azken horri, eta, bisita- eta opor-erregimena bertan behera geratzen da 2012-03-05eko Epaiaren bidez onartutako hitzarmen arautzailean.

Ez da egiten prozesuan eragindako kostuen gaineko adierazpenik.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den, eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua jarri behar da, eta, hori egin ezean, ez da bera izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 1890 0000 00 0091 15. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Angel-Marcelo Guevara Cola demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Irun (Gipuzkoa), 2015eko urriaren 6a.

JUSTIZIA ADMINISTRAZIOAREN LETRADUA.

Azterketa dokumentala