Euskal Herriko Agintaritzaren Aldizkaria

195. zk., 2015eko urriaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 9 ZENBAKIKO EPAITEGIA

4322

EDIKTUA, 474/2014 prozedura arruntaren ondoriozkoa.

JAKINARAZPEN-ZEDULA

Bilboko Lehen Auzialdiko 9 zenbakiko Epaitegian (Bizkaia), 474/2014 prozedura arrunta bideratu da, Zorrotzaurreko Erribera 4 eta 6ko jabeen erkidegoak eskatuta, Jose Miguel Ugarte Urrutiaren, Jesus Ugarte Urrutiaren eta Angel Ugarte Urrutiaren jarauntsi jasogabearen edo jarauntsi-erkidegoaren aurka. Prozedura horren gaineko epaia eman da. Hona hemen idazpurua eta epaitza, kopiatuta:

141/2015 EPAIA

Epailea: Maria Esther Gonzalez Rodriguez.

Lekua: Bilbao (Bizkaia).

Eguna: bi mila eta hamabosteko irailaren hamaseia.

Alderdi demandatzailea: Zorrotzaurreko Erribera 4 eta 6ko jabeen erkidegoa.

Abokatua: Santiago Ros Garcia.

Prokuradorea: Francisco Ramon Atela Arana.

Alderdi demandatua: Auzi-ihesean da Jose Miguel Ugarte Urrutiaren jarauntsi jasogabea.

Judizioaren gaia: 47.329 euroko erreklamazioa, jabeen erkidegoaren derrametarako.

EPAITZA

Baietsi egiten dut, osorik, Francisco Ramon Atela Arana prokuradoreak aurkeztutako demanda, Zorrotzaurreko Erribera 4 eta 6ko jabeen erkidegoaren izenean eta ordez, Jose Miguel Ugarte Urrutiaren jarauntsi jasogabe auzi-iheslariaren aurkakoa. Hori dela eta, kondenatu egiten dut aipatutako demandatua ordaintzera auzi-jartzaileari zenbateko hau: 47.329 euro gehi zenbateko horrek sortutako legezko interesak, prozesu monitorioaren hasierako eskaera aurkeztu zen egunetik zorra erabat ordaindu artekoak. Judizio honetan sortutako kostuak alderi demandatuari ezartzen dizkiot berariaz.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan (4750 0000 00 0474 14). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Jose Miguel Ugarte Urrutiaren jarauntsi jasogabe edo jarauntsi-erkidego demandatuari behar bezalako jakinarazpena egiteko balio dezan, ematen eta sinatzen dut idazki hau, Bilbon (Bizkaian), bi mila eta hamabosteko irailaren hamazazpian.

IDAZKARIA.

Azterketa dokumentala