195. zk., 2015eko urriaren 14a, asteazkena
- Bestelako formatuak:
- PDF (187 KB - 1 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
AGINTARIAK ETA LANGILERIA
Izendapenak, egoerak eta gorabeherak
HERRI ADMINISTRAZIO ETA JUSTIZIA SAILA
4306
EBAZPENA, 2015eko urriaren 2koa, Herri Arduralaritzaren Euskal Erakundeko zuzendariarena, Imanol Urigüen Garaizabal jauna Herri Arduralaritzaren Euskal Erakundeko Hautaketa eta Prestakuntza zuzendariorde izendatzeko dena.
Aztertuta geratu da Herri Arduralaritzaren Euskal Erakundeko zuzendariaren 2015eko abuztuaren 28ko Ebazpenaren bidez (2015eko irailaren 8ko EHAAn, 170. zk.) argitaratutako deialdia, Herri Arduralaritzaren Euskal Erakundeko Hautaketa eta Prestakuntza zuzendariordearen postua betetzekoa.
Eskabideak aurkezteko epea amaituta, eskainitako lanpostuan jarduteko izangaiek aurkeztu dituzten agiriak aztertu dira, eta haien ezaugarri profesionalak curriculum vitae-an azaldutako merezimenduen arabera baloratu.
Aurkezturiko agiriak aztertuta, Imanol Urigüen Garaizabal jauna eskainitako posturako egokia dela eta postu horretan jarduteko moduko gaitasuna baduela ikusi da.
Horiek horrela, hau
EBAZTEN DUT:
Lehenengoa.– Imanol Urigüen Garaizabal jauna Herri Arduralaritzaren Euskal Erakundeko Hautaketa eta Prestakuntza zuzendariorde izendatzea (512006 kodea, 2. dotazioa).
Bigarrena.– Izendapenak 2015eko urriaren 8tik aurrera hartuko du indarra, EHAAn noiz argitaratzen den kontuan hartu gabe.
Hirugarrena.– Deialdia ebazten duen eta administrazio-bideari amaiera ematen ez dion ebazpen honen aurka, gora jotzeko errekurtsoa aurkez dakioke Justizia eta Herri Administrazioko sailburuari, hilabeteko epean, ebazpena Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2015eko urriaren 2a.
Herri Arduralaritzaren Euskal Erakundeko zuzendaria,
MARÍA TERESA IRURETAGOYENA IBARGUREN.