Euskal Herriko Agintaritzaren Aldizkaria

183. zk., 2015eko irailaren 25a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

OSAKIDETZA-EUSKAL OSASUN ZERBITZUA

4027

806/2015 EBAZPENA, Donostialdea Erakunde Sanitario Integratuko zuzendari gerentearena, Donostialdea ESIko Anestesiologia eta Bizkorketako zerbitzu sanitarioko buru lanpostua lehiaketa bidez betetzeko deialdi publikoa iragartzen duena.

Donostialdea ESIko Anestesiologia eta Bizkortzea zerbitzu sanitarioko buru lanpostua hutsik egonik, Zuzendaritza Gerentzia honek deialdi publikoa iragartzea erabaki du, lanpostu hori lehiaketa bidez betetzeko. Prozedura hori honako arau hauetan jasotakoaren arabera egin da: 8/1997 Legea, ekainaren 26koa, Euskadiko Antolamendu Sanitarioarena, 28. artikuluko 8 atala (hirugarren arau komuna); 186/2005 Dekretua, uztailaren 19koa, I. eranskina, Osakidetzako Lanpostu Funtzionalak arautzen dituena; 55/2003 Legea, abenduaren 16koa, osasun zerbitzuetako estatutupeko pertsonalaren Estatutu Markoarena; 7/2007 Legea, apirilaren 12koa, Enplegatu Publikoaren Estatutu Markoarena; eta 255/1997 Dekretua azaroaren 11koa.

Zuzendaritza Medikoaren esanetara ondoko eginkizunez arduratuko da:

● Zerbitzuko helburuak proposatu, adostu eta kudeatzea: asistentzialak, irakaskuntza, prestakuntza eta ikerketari dagozkionak. Helburu hauen lorpena ebaluatuko da.

● Zerbitzuko jarduera asistentziala zuzentzea.

● Zerbitzura atxikitako pertsonen eta baliabideen antolaketa eta kudeaketa zuzentzea, helburuak lortze aldera.

● Zerbitzuari dagozkion antolaketa eta asistentzia prozesuak berrikusi eta hobetzea.

● Pazienteen gogobetetasunari begira, hobekuntza-ekintzak aztertu eta proposatzea.

● Zerbitzuko pertsonen gogobetetasun handiagorako ekintzak analizatu eta proposatzea.

● Ospitaleko gainerako unitateetako eta ospitalez kanpoko dispositiboetako harremanak koordinatzea, zerbitzuko estrategia egoki garatzeko.

● Kideen talde-lana erraztu eta bultzatzea.

OINARRIAK

1.– Parte hartzeko baldintzak.

Deialdi honetan parte hartu ahal izango dute honako bandintza hauek betetzen dituztela egiaztatzen dutenek:

a) Estatutario, funtzionario edo lan-kontratadun finkoa izatea Osakidetzako edozein zentrotan, edo pertsonal estatutario finkoa izatea Osasun Sistema Nazionaleko erakunde Sanitarioetan eta A1 lanbide-taldekoa izatea

b) Medikuntza lizentziatura edukitzea, Anestesiologia eta Bizkorketako Espezialitatean.

c) Gutxieneko 4 urteko lan-esperientzia, Anestesiologia eta Bizkorketako espezialitatean.

2.– Merituen baremoa (gehienez 66 puntu).

Ebazpen honen I. eranskinean jasota dagoen baremoaren arabera egingo da.

Fase hauek izango ditu:

I.– Proiektua eta defentsa (gehienez, 30 puntu).

II.– Beste meritu batzuk (gehienez, 30 puntu).

III.– Euskararen ezagutza (gehienez 6 puntu).

3.– Eskabideak aurkezteko epea.

Interesdunek Osakidetza - Euskal Osasun zerbitzuko Donostialdea ESIko Pertsonaleko Zuzendaritzara zuzenduko dute eskabidea (Begiristain Pasealekua, z.g. – 20014 – Donostia), Ebazpen hau Euskal Herriko Agintaritza Aldizkarian argitaratu, eta hamabost eguneko epean..

Era berean, aurkeztu ahal izango da azaroaren 26ko Herri Administrazioen Araubide Juridikoaren eta Administrazio Prozedura Erkidearen 30/1992 Legearen 38.4 artikuluak ezarritakoaren arabera.

Interesdunek Osakidetza - Euskal Osasun zerbitzuko Donostialdea ESIko Pertsonaleko Zuzendaritzara zuzenduko dute eskabidea (Begiristain Pasealekua, z.g. – 20014 – Donostia), bertan datu pertsonalak idatziko dituzte, eta curriculum vitaea atxikiko dute. Dokumentazioa horrela aurkeztuko dute:

a) NANaren, pasaportearen edo gidabaimenaren fotokopiak konpultsatua.

b) Funtzionario edo langile estatutario izendapenaren fotokopia konpultsatua edo, hala badagokio, lan-kontratu finkodun langilea dela egiaztatzen duen agiriarena.

c) Eskatutako titulazioaren fotokopia konpultsatua: Medikuntza lizentziatura.

d) Egindako zerbitzuen ziurtagiri original eguneratuta, deialdia EHAAn argitaratu zen eguneko kategorian zein den adierazita.

e) Bete nahi den Zerbitzuko kudeaketari buruzko txosten-proiektua.

f) Meritu baloragarri guztien fotokopia konpultsatua.

Ez da beharrezkoa izango aurreko paragrafoan adierazi den bezala egiaztatzea CV aplikazio informatikoan behar bezala egiaztatuta dauden guztiak, nahiz eta izangaiak eskabidean adierazi behar duen hori horrela dela.

4.– Onartu eta baztertuen zerrenda.

Izena emateko epea amaitzen denean, Donostialdea ESIko zuzendari gerenteak, ebazpen bidez, behin behineko onartuen eta baztertuen zerrenda onartuko du; era berean, dagokionean, baztertu izanaren arrazoiak azalduko ditu. Ebazpena Osakidetzako web-gunean argitaratuko da, eta behin betiko bihurtuko da baztertutako izangairik ez baldin badago.

Hamar egun baliodun izango dira, ebazpena argitaratzen den biharamunetik hasita, erreklamazioak aurkezteko.

Erreklamazio hauei erantzuna emango zaie, behin betiko zerrenda argitaratzeko Donostialdea ESIko zuzendari gerentearen ebazpenaren bidez. Eta dokumentu hau ere Osakidetzako web gunean argitaratuko da.

Behin betiko ebazpenaren aurka gora jotzeko errekurtsoa zuzendu dakioke Osakidetzako zuzendari orokorrari, hilabeteko epean argitaratu eta hurrengo egunetik hasita.

5.– Balorazio batzordea.

Izendapena eta eraketa.

Izangaien behin betiko ebazpena onartu eta argitaratuta, Donostialdea ESIko zuzendari gerenteak izendatuko ditu ebazpen bidez Balorazio Batzordearen kideak. Ebazpen hori Osakidetzako web orrialdean argitaratuko da. Batzordearen eraketa hau izango da:

● Lehendakaria: zerbitzu erakundeko zuzendari medikoa.

● Idazkaria: zerbitzu erakundeko Pertsonaleko zuzendaria.

● Izangaiei eskatzen zaien titulazio eta espezialitate bereko hiru fakultatibo.

Kide guztiek egiaztatua izango dute: deitutako izangaiari, lanpostua lortu ahal izateko, eskatutako titulazio akademikoaren parekoa edo goragokoa.

Batzordekideak norberaren izenean joango dira, ez dute inor ordezkatuko, ez dira inoren izenean joango.

Parte ez hartzea eta errefusatzea.

Batzordekideek parte hartzeari uko egingo diote, eta izendatu dituen arduradunari jakinaraziko diote kasu hauetan: azaroaren 28ko 30/1992 Legearen (Herri Administrazioen Araubide Juridikoaren eta Administrazio Prozedura Erkideari buruzkoak) 28 artikuluak (azaroaren 27ko BOE, 285 zk.) jasotzen dituen egoerak.

Egoera horietan interesatuek errefusatzea eska dezakete edozein momentutan, aipaturiko legearen 29 artikuluan jasotakoaren arabera.

Arauak.

Batzordeak azaroaren 26ko 30/1992 Legearen 22. eta 27. artikuluen arabera jokatuko du.

Lehendakariaren aginduz, idazkariak deituta bilduko da. Eraketa baliozkoa izan dadin, lehendakariak eta idazkariak, edo hauen ordezkoek egon beharko dute, eta, gutxienez, batzordekideen erdiek.

Akordio guztiak botoen gehiengoaren bidez onartuko dira.

Batzordekide guztiek hitza eta botoa izango dute.

Batzordearen sesioetan akta egingo da. Bertan jasoko dira: izangaien izenak, baremazio irizpideak, merituen atal bakoitzean emandako puntuazioa eta guztira emandako puntuazioa.

6.– Lehiaketaren atalak.

Lehiaketak hiru atal izango ditu. Hiru atal hauetan baloratuko da proiektua eta defentsa, bestelako merituak eta euskararen ezagutza.

Proiektuaren bakarkako azalpena eta elkarrizketa publikoa.

Izangaiei banaka deituko zaie, gutxienez, hamar egun lehenago, eta adieraziko zaie probaren data, lekua eta ordua.

Era berean, deialdia Osakidetzako web gunean argitaratuko da jakinarazteko.

Izangaiek prestatutako proiektua azalduko dute, eta batzordeko kideek egindako galderei erantzungo diete. Prozesu horrek izaera publikoa izango du.

Batzordekide bakoitzak bakarka baloratuko du proiektua eta honen azalpen publikoa, baremoan jasotako irizpideen arabera. Beharrezkoa izango da gutxienez 15 puntu lortzea fasea honetan.

Bestelako merituen balorazioa.

Behar den epean, eta behar den moduan aurkeztuko merituak baloratuko dituzte batzordekideek; hauei buruz azalpenak eskatzerik izango dute.

Ez dira baloratuko, eskabideak aurkezteko epea bukatu baino lehen, behar den moduan aurkeztu eta egiaztatu ez diren merituak.

Balorazioa, merituen Baremoaren 2. Atalean jasotakoaren arabera egingo da.

Euskararen ezagutza.

Euskararen erabilera Osakidetza normalizatzeko den martxoaren 18ko 67/2003 Dekretuak, eta berau garatzen dute arauek, xedatutakoaren arabera baloratuko da.

Lanpostua lortzeko puntuazio minimoa 33 izango da, eta 15, derrigorrez proiektua eta honen defentsatik lortutakoak izan beharko dute.

7.– Prozeduraren ebazpena.

Batzordeak Donostialdea ESIko zuzendari gerenteari helaraziko dio izangaiaren izendapenaren proposamena; hain zuzen ere, puntuaziorik altuena jaso duen izangaia proposatuz; halaber, zuzendari gerenteari helaraziko zaion proposamenak, batzordekide guztien sinadura, eta izangaiak atal bakoitzean lortutako puntuazioa zehaztuta jasoko du.

Aipaturiko puntuazioa eta gainerako izangaiena, halakorik balego, Osakidetzako web gunean argitaratuko da.

Donostialdea ESIko Zuzendaritza Gerentziak ebazpena egingo du izangaia izendatzeko; hautagaiak ukoa egingo balu, zerrendan puntuaziorik altuena duen hurrengo izangaia izendatu ahal izango litzateke; betiere, eskatutako gutxieneko puntu kopurua berdindu edo gainditu badu.

Donostialdea ESIak egoera hauetan deialdia betegabe utz dezake:

● Izangairik aurkeztu ez bada.

● Izangaiek ez badute baldintzarik betetzen.

● Izangaiek ez badute gutxiengo puntuazioa lortu.

Zuzendaritza Gerentziako ebazpena Euskal Herriko Agintaritzaren Aldizkarian argitaratuko da; bai izangairen bat izendatuz, bai bete gabe dagoela deialdia hutsik geratzen dela adieraziz.

Honen kontra gora jotzeko errekurtsoa jarri ahal izango da, Osakidetzako zuzendari nagusiari zuzenduta, azaroaren 26ko 30/1992 Legearen 114 eta 115 artikuluek jasotakoaren arabera, Euskal Herriko aldizkari ofizialean argitaratu eta hurrengo egunetik hasita.

Zerbitzuburu lanpostuak aldi baterako lau urteko iraupena izango du. Izendapen honek luzapena izango du, ekainaren 26ko 8/1997 Legearen (Euskadiko Antolamendu Sanitarioa) 28. Artikuluak (Hirugarren Araua) jasotakoaren arabera (uztailaren 21eko EHAA, 138 zk.).

Lanpostua betetzen duen langileak berau utziko du izendapenaren epea betetzen denean; luzapen egoeraren bat gertatuko balitz, izan ezik. Lehen aipaturiko, 8/1997 Legeak jasotzen duenaren arabera ezarritako kide anitzeko organoaren ebaluazio prozeduraren arabera egingo da luzapena.

Halaber, izendatutakoa lekuz aldatu ahal izango da epea amaitu baino lehen, aurrez kontraesaneko espedientea eginda, eta 8/1997 Legearen 28. artikuluak (Hirugarren Araua) leku aldatzeak egiteko aurreikusitakoa kontuan hartuta.

Kargu uzte arruntak edo lanpostutik mugiarazteak beste lanpostu baterako lekualdatzea eragingo du. Egoera honetan interesatuak jatorrizko kategorian zeuzkan baldintza mantenduko dira.

8.– Publizitatea.

Ebazpen hau osorik argitaratuko da Euskal Herriko Agintaritzaren Aldizkarian, Osakidetzaren web gunean, eta zerbitzu erakundeetako intranetetan.

Hornikuntza prozeduran onartzen diren ebazpenak Osakidetzako web gunean argitaratuko dira.

Aukeratutako izangaiaren izendapenaren ebazpena, edo lanpostua hutsik geratzen dela dioena, Euskal Herriko Agintaritzaren Aldizkarian eta Osakidetzako web gunean argitaratuko da.

9.– Errekurtsoak.

Azaroaren 26ko 30/1992 Legeak 114. eta 115. artikuluetan jasotakoaren arabera, ebazpen honen kontra gora jotzeko errekurtsoa jarri ahal da, Osakidetzako zuzendari nagusiari zuzendua. Izapide hau egiteko hilabeteko epea egongo da, argitaratu den egunetik aurrera.

Donostia, 2015eko ekainaren 15a.

Donostialdea ESIko zuzendari gerentea.

E (40/2015 Ebazpena, urtarrilaren 14koa).

Pertsonaleko zuzendaria,

JUAN RAMON DE LA PUENTE PAGOLA.

I ERANSKINA

BAREMOA

Merezimenduak bi faseren arabera baloratuko dira:

1.– Proiektua eta proiektuaren defentsa (gehienez, 30 puntu).

Zerbitzuaren antolamenduari eta funtzionamenduari buruzko azalpen memoria-proiektua azaltzea publikoki eta epaimahai kalifikatzailearen aurrean, eta hautagaiari egindako elkarrizketa.

Puntuazioa fase honetan bi ataletan banatzen da:

a) Aurkeztutako memoria-proiektuaren edukien balorazioa (gehienez, 15 puntu).

Kudeaketarako memoria-proiektuak bi atal hauek behintzat garatu beharko ditu:

a.1.– Antolakuntza eta kudeaketa atala.

Zerbitzuaren organigrama eta funtzioak zehaztuta: burutza lanpostua eta atxikitako gainerako lanpostuak.

Erakunde bereko beste unitate batzuekin duen harremana.

Burutzaren kudeaketa plana: antolakuntza helburuak zehaztu, hobekuntza behar duten arloak detektatu eta beharrezko neurriak zehaztu, hobekuntzak lortzeko. Honekin batera, baliabide materialak ekonomikoak eta atxikitako giza baliabideak kudeatzeko plan edo konpromiso efizientea.

a.2.– Atal asistentziala.

Eskainiko diren zerbitzu asistentzialen deskribapena. Halaber, helburu eta adierazleak ezarriko dira, eta jarraipen eta ebaluazio jarraitua egiteko sistema bat.

a.3.– Dozentziaren atala.

Dozentziaren planifikazioa egin zerbitzuan.

b) Balorazio Batzordearen aurrean azalpen publikoa (gehienez 15 puntu).

Memoria-proiektuaren azalpen publikoa ebaluatzeko, kontuan hartuko da, argitasuna eta laburtzeko gaitasuna; halaber, atalik garrantzitsuenak azaltzeko gaitasuna.

2.– Bestelakoak (gehienez 30 puntu). Puntuazioa honela banatuko da:

● Lan esperientzia (gehienez, 15 puntu).

● Dagokion espezialitatean fakultatibo gisa zerbitzu eman duen hilabete bakoitzeko: 0,0500 puntu.

● Dagokion espezialitatean atalburu gisa jardun duen hilabete bakoitzeko: 0,0750 puntu.

● Dagokion espezialitatean zerbitzuburu gisa jardun duen hilabete bakoitzeko: 0,1000 puntu.

● Zuzendari gerente, zuzendari mediko edo zuzendariorde mediko gisa jardun duen hilabete bakoitzeko: 0,1250 puntu.

Kontuan hartuko dira, lan-esperientzia gisa, Osakidetzako, Gizarte Segurantzako eta autonomia-erkidegoetako osasun-zerbitzuetako osasuneko zerbitzu-erakundeetan edo edozein administrazio publikotan emandako zerbitzuak, bai eta Europar Batasuneko beste estatuetako sare publikoko zerbitzu sanitarioetan emandakoak ere.

Zenbaketa osoa lan egindako egun naturaletan oinarrituta egingo da, eta baztertu egingo dira hilabetetik beherako hondarrak. Kontaketarako, 30 egun naturaleko multzoa hartuko da hilabetetzat.

● Prestakuntza, irakaskuntza eta ezagutzaren hedapena (gehienez, 15 puntu).

● Kudeaketaren arloko trebakuntza (gehienez, 3 puntu).

Osasun-kudeaketarekin lotutako ikastaro bakoitzeko, iraupenaren arabera:

20-30 ordu: 0,2000 puntu.

31-50 ordu: 0,3000 puntu.

51-100 ordu: 0,4000 puntu.

101-200 ordu: 0,5000 puntu.

200 ordutik gora: 1,2500 puntu.

Erakunde ofizialek, unibertsitateek, erakunde sanitarioek, eta, hala badagokio, elkargo profesionalek eta elkarte zientifikoek emandako eta ziurtatutako ikastaroak baloratu egingo dira, baita edozein administrazio publikok hitzartutako etengabeko prestakuntzako akordioen arabera eman eta ziurtatutako ikastaroak ere. Betiere, titulazio ofizial bat lortzeko ikasketa plan baten barrukoak ez badira.

● Espezialitateko etengabeko prestakuntza (gehienez, 3 puntu).

Dagokion lanpostuaren espezialitatearekin lotutako ikastaro bakoitzeko, iraupenaren arabera:

20-30 ordu: 0,2000 puntu.

31-50 ordu: 0,3000 puntu.

51-100 ordu: 0,4000 puntu.

101-200 ordu: 0,5000 puntu.

200 ordutik gora: 1,2500 puntu.

Erakunde ofizialek, unibertsitateek, erakunde sanitarioek, eta, hala badagokio, elkargo profesionalek eta elkarte zientifikoek emandako eta ziurtatutako ikastaroak baloratu egingo dira, baita edozein administrazio publikok hitzartutako etengabeko prestakuntzako akordioen arabera eman eta ziurtatutako ikastaroak ere, betiere titulazio ofizial bat lortzeko ikasketa plan baten barrukoak ez badira.

● Graduondoko prestakuntza (gehienez, 3 puntu).

● Doktorea: 2 puntu.

● Cum laude doktorea: 3 puntu.

● Gradu ondoko masterra: 1 puntu.

● Unibertsitate-aditua edo- espezialista: 0,5000 puntu.

● Ikertzeko nahikotasuna edo diploma ikasketa aurreratuetan: 0,5000 puntu.

● Doktoretza-ikastaroak: doktoretza-ikastaroetako bikain edo ohorezko matrikula bakoitzeko (gehienez, 10 ikastaro): 0,1000 puntu.

Ez dira baloratuko doktoretza-ikastaroak, baldin eta hauetako bat lortzeko balio izan badute: doktore titulua, cum laude doktore titulua, ikertzeko nahikotasuna edo ikasketa aurreratuetako diploma.

● Jarduera zientifikoa (gehienez, 3 puntu).

Dagokion espezialitatearekin lotutako lan zientifikoak argitaratzeagatik, txostenak edo komunikazioak aurkezteagatik, eta hitzaldiak edo mahaiinguruak egiteagatik:

● Eskualdeko txosten bakoitzeko: 0,2500 puntu.

● Estatuko txosten bakoitzeko: 1,000 puntu.

● Nazioarteko txosten bakoitzeko: 1,500 puntu.

● Eskualdeko ahozko komunikazio edo poster bakoitzeko: 0,1500 puntu.

● Estatuko ahozko komunikazio edo poster bakoitzeko: 0,6000 puntu.

● Nazioarteko ahozko komunikazio edo poster bakoitzeko: 1,0000 puntu.

● Eskualdeko mahai-inguru bakoitzeko: 0,2000 puntu.

● Estatuko mahai-inguru bakoitzeko: 0,7500 puntu.

● Nazioarteko mahai-inguru bakoitzeko: 1,2500 puntu.

● Argitalpen bakoitzeko (Iehenengo egilea): 1,0000 puntu.

● Argitalpen bakoitzeko (beste egile batzuk): 0,5000 puntu.

● Liburu bakoitzeko ( lehenengo egilea): 2 puntu.

● Liburu bakoitzeko (beste egile batzuk): 1 puntu.

● Kapitulu bakoitzeko (lehenengo egilea): 1,0000 puntu.

● Kapitulu bakoitzeko (beste egile batzuk): 0,5000 puntu.

● Tesina egiteagatik: 1,5000 puntu.

● Irakaskuntzako jarduerak (gehienez, 3 puntu).

Medikuntza Fakultateko katedraduna, dagokion espezialitatean (urte bakoitzeko): 1,0000 puntu.

Medikuntza Fakultateko irakasle titularra, dagokion espezialitatean (urte bakoitzeko): 0,5000 puntu.

Medikuntza Fakultateko irakasle elkartua, dagokion espezialitatean (urte bakoitzeko): 0,2500 puntu.

Egoiliarren irakaskuntzarako tutore akreditatua, dagokion espezialitatean (urte bakoitzeko): 0,5000 puntu.

Irakaskuntza, etengabeko prestakuntzako programa ofizialetan (ordu bakoitzeko): 0,050 puntu.

3.– Euskararen ezagutza (gehienez 6 puntu).

Euskararen erabilera Osakidetza normalizatzeko den martxoaren 18ko 67/2003 Dekretuak, eta berau garatzen dute arauen arabera baloratuko da.

Azterketa dokumentala