Euskal Herriko Agintaritzaren Aldizkaria

161. zk., 2015eko abuztuaren 26a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

3628

EDIKTUA, ezkontzaz kanpoko seme-alabentzako neurrietarako 734/2014 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: 734/2014 ezkontzaz kanpoko seme-alabentzako neurriak.

Demandatzailea: Nnagbe Diomande.

Abokatua: Francisco De Borja Zabala Gonzalez.

Prokuradorea: Begoña Martin Gutierrez.

Demandatua: Karamba Diawara.

Gaia: ezkontzaz kanpoko seme-alabentzako neurriak.

Judizio horretan, epaia eman da 2015-06-23an. Hona hemen epaitza:

408/2015 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamabosteko ekainaren hogeita hirua.

Alderdi demandatzailea: Nnagbe Diomande.

Abokatua: Francisco De Borja Zabala Gonzalez.

Prokuradorea: Begoña Martin Gutierrez.

Alderdi demandatua: Karamba Diawara.

Parte-hartzailea: Fiskaltza.

Auzigaia: seme-alaba adingabeekiko neurri ekonomikoak eta pertsonalak hartzea.

EPAITZA

Ezetsi egiten da Nnagbe Diomande andrearen izenean eta ordez Martin Gutierrez epaitegietako prokuradoreak aurkeztutako demanda, Abdoul Karim Diomande Diawara adingabearentzako mantenu-neurriak eta neurri pertsonalak har daitezela eskatzekoa, Karamba Diawara adingabearen aitaren aurkakoa –auzi-iheslari deklaratuta–, eta Fiskaltza ere parte zelarik; ez da demandaren intereseko neurririk hartu behar eta kostuak ez zaizkio ezartzen inori.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Karamba Diawara demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2015eko ekainaren 24a.

IDAZKARI JUDIZIALA.

Azterketa dokumentala