Euskal Herriko Agintaritzaren Aldizkaria

149. zk., 2015eko abuztuaren 10a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

GARAPENERAKO LANKIDETZAREN EUSKAL AGENTZIA

3474

EBAZPENA, 2015eko uztailaren 28koa, Garapenerako Lankidetzaren Euskal Agentziaren zuzendariarena, Fundación Oxfam Intermón erakundeak 2012ko lankidetza proiektuentzako laguntzak emateko deialdiaren barruan aurkeztutako «CRECE, construyendo ciudadanía para promover la justicia alimentaria» proiektuari uko egiteko eskaera onartzen duena.

Garapena eta Lankidetza Sustatzeko 2012ko Fondoaren kargurako proiektuetarako diru-laguntzak ematen dituen Garapenerako Lankidetzaren Euskal Agentziako zuzendariaren 2012ko urriaren 5eko Ebazpenaren bidez, Fundación Oxfam Intermón erakundeari 108.377,58 euroko diru-laguntza eman zitzaion «CRECE, construyendo ciudadanía para promover la justicia alimentaria» proiektua gauzatzeko.

Erakunde horrek, Garapenerako Lankidetzaren Euskal Agentziari 2015eko uztailaren 24ean bidalitako komunikazioan, hirugarren ordainketari uko egiteko eskaera partziala aurkeztu zuen.

Eskaera aztertu ondoren, Koordinazio Teknikoaren Zerbitzuak erakunde onuradunak uko egiteko aurkeztutako eskaeraren aldeko txostena egin zuen.

Garapena eta Lankidetza Sustatzeko Fondoaren kargurako proiektuetarako laguntzak arautzen dituen otsailaren 27ko 34/2007 Dekretuaren 28. artikuluko 1. Paragrafoak ezarritakoaren arabera, erakunde eskatzaileak proiektuaren aurreikusitako garapenean funtsezko eragina izan dezakeen edozein gorabehera jakinarazi beharko dio aldez aurretik Garapen Lankidetzarako Zuzendaritzari. Horrekin batera, baimen-eskaera bidali beharko dio proiektuan egin nahi diren aldaketak gauzatu aurretik, eta aurrekontuan dituen ondorioak zehaztu.

Hala ere, proposatutako aldaketak onartzeko eskumenari dagokionez, Garapenerako Lankidetzaren Euskal Agentzia sortu, arautu eta jardunean hasi ondoren (ekainaren 19ko 5/2008 Legea, Garapenerako Lankidetzaren Euskal Agentzia sortu eta arautzen duena; martxoaren 23ko 95/2010 Dekretua, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena; azaroaren 23ko 310/2010 Dekretua, Garapenerako Lankidetzaren Euskal Agentziaren jarduerak abiaraztea arautzen duena), aipatutako eskumena eta, oro har, laguntza horiek kudeatzeko behar diren ebazpenak ezartzekoa, Garapenerako Lankidetzaren Euskal Agentziaren zuzendariari dagokio.

Horren ondorioz, honako hau

EBAZTEN DUT

Lehenengoa.– Fundación Oxfam Intermón erakundeari 2012ko lankidetza proiektuentzako laguntzak emateko deialdiaren barruan aurkeztutako «CRECE, construyendo ciudadanía para promover la justicia alimentaria» proiektuari uko egiteko eskaera onartzea.

Horren ondorioz, erakundeak hirugarren ordainketatik justifikatu gabeko kopurua itzuli beharko du, hau da, 6.699,90 euro.

Bigarrena.– Ebazpen honen aurka, gora jotzeko errekurtsoa jarri ahal izango zaio Garapenerako Lankidetzaren Euskal Agentziaren lehendakariari, hilabeteko epean, argitaratzen den egunaren biharamunetik aurrera kontatzen hasita. Gora jotzeko errekurtsoa aurkeztu eta hiru hilabete igarota oraindik ez bada ezer ebatzi, errekurtsoa ez dela onartu pentsatu beharko da, eta administrazioarekiko auzietarako bidea irekiko da.

Vitoria-Gasteiz, 2015eko uztailaren 28a.

Garapenerako Lankidetzaren Euskal Agentziako zuzendaria,

PAUL ORTEGA ETCHEVERRY.

Azterketa dokumentala