RSS
133. zk., 2015eko uztailaren 16a, osteguna
- Bestelako formatuak:
- PDF (184 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
3180
EDIKTUA, ezkontzaz kanpoko seme-alabentzako neurrietarako 412/2012 prozeduraren ondoriozkoa.
JAKINARAZPEN ZEDULA
Bilboko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 412/2012 prozedura bideratu da, Maria Isabel Taday Daquilemak eskatuta, Alejandro Tenegusñay Guamboren aurka, adingabeko seme-alabentzako neurrien gainean. Prozedura horri dagokionez epaia eman da. Hona hemen idazpurua eta epaitza:
131/2015 EPAIA
Epailea: Francisco Javier Osa Fernández.
Lekua: Bilbao (Bizkaia).
Eguna: bi mila eta hamabosteko martxoaren hamabosta.
Alderdi demandatzailea: Maria Isabel Taday Daquilema.
Abokatua: Esteban Inciarte Samperio.
Prokuradorea: Eduardo Ramon Lopez Cruz.
Alderdi demandatua: Alejandro Tenegusñay Guambo.
Abokatua.
Prokuradorea.
Judizioaren gaia: seme-alaba adingabeentzako neurriak.
EPAITZA
Partez baiesten dut María Isabel Taday Daquilemak Alejandro Tenegusñay Guamboren aurka aurkeztutako demanda, eta, horrenbestez, seme adingabeari dagokionez, honako neurri hauek hartzea erabaki dut:
1.– Seme adingabearen zaintza eta jagoletza amari ematen zaizkio; eta amari bakarrik ematen zaio, halaber, adingabearen gaineko guraso-ahala.
2.– Aitak eta seme adingabeak askatasun osoz adosten duten eran komunikatu eta egon ahal izango dira elkarrekin.
3.– Aitak 100 euro ordainduko dizkio hilero amari, alabaren mantenu gisa. Aurreratuta eta hil bakoitzaren lehenengo bost egunen barruan ordainduko du zenbateko hori, amak izendatzen duen kontuan dirua sartuz. Zenbateko hori urtero eguneratu beharko da Estatistikako Institutu Nazionalak edo hori ordezkatzen duen erakundeak Estatu osorako argitaratutako KPIaren igoeraren arabera, oinarritzat justu aurreko hamabi hilabeteak hartuz. Ordainketa egin ezean, legezko neurriak hartuko dira.
4.– Semearen ezohiko gastuak erdibana ordainduko dituzte aitak eta amak. Ezohiko gastutzat hartzen dira aurreikusten ez direnak eta aldizkakoak ez direnak; hala nola gaixotasun-gastuak, ospitaleratze-gastuak, tratamendu berezien gastuak, odontologia, ortodontzia edo optikako gastuak, edo farmazeutikoak, gizarte-segurantzak edo gurasoek hitzartuta daukaten beste mutualitate edo erakunde batek estaltzen ez dituenak, baita irakasle edo tutoreek gomendatzen dituzten laguntza- edo errefortzu-eskolen gastuak ere.
Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dizkio adingabeko alabek dituzten aparteko premiak, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean beste gurasoaren erantzunik ez badago, gastua onartuta dagoela ulertuko da.
Behar bezala jasota geratzeko moduan egingo dira halako jakinarazpenak.
5.– Prozesuko izapide honetan ez da beste neurririk hartuko.
6.– Auzi-jartzaileak atzera egin duela ulertzen da, adin nagusiko semeari buruz eskatutako neurriak dagokionez.
Prozedura hau izapidetzerakoan sortutako kostuak ez zaizkio beren-beregi inori ezartzen.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Eta Alejandro Tenegusñay Guambo demandatuari behar bezalako jakinarazpena egiteko balio dezan, ematen eta sinatzen dut hau, Bilbon (Bizkaia), bi mila eta hamabosteko martxoaren bostean.
IDAZKARIA.