Euskal Herriko Agintaritzaren Aldizkaria

115. zk., 2015eko ekainaren 22a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO MERKATARITZA ARLOKO 1 ZENBAKIKO EPAITEGIA

2765

EDIKTUA, 1078/2014 prozedura arruntaren ondoriozkoa.

Bilboko Merkataritzako 1 zenbakiko Epaitegia.

Judizioa: 1078/2014 prozedura arrunta.

Demandatzailea: Cooperativa Avicola y Ganadera de Burgos.

Abokatua.

Prokuradorea: Ricardo Bravo Blazquez.

Demandatua: Carnicas Hermanos Arrillaga, S.L. eta Juan Jose Arrillaga Poblacion.

Gaia: judizio arrunta.

Judizio horretan, epaia eman da 2014-05-08an. Hona hemen epaitza:

Osorik baiesten dut Ricardo Bravo Blazquez epaitegietako prokuradoreak Cooperativa Avicola y Ganadera de Burgos-en izenean eta ordez aurkeztutako demanda, Carnicas Hermanos Arrillaga, S.L.ren eta Juan Jose Arrillaga Población jaunaren aurkakoa, auzi-iheslariak biak. Horrenbestez, Carnicas Hermanos Arrillaga, S.L. eta Juan Jose Arrillaga Poblacion jauna kondenatzen ditut auzi-jartzaileari solidarioki honako hauek ordaintzera: hogeita lau mila seiehun eta laurogeita hamalau euro eta laurogeita hamalau zentimo (24.694,94 ), eta legezko interesak, zuzenbideko bosgarren oinarrian ezarritakoari jarraituz.

Kostuak alderdi demandatuari ezartzen dizkiot berariaz.

Carnicas Hermanos Arrillaga, S.L. eta Juan Jose Arrillaga Poblacion demandatuen egungo helbidea ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, hogei egun balioduneko epean.

Jakinarazten den ebazpenaren testu osoa eskuragarri du interesdunak, auzitegi honetako bulego judizialean.

Bilbao (Bizkaia), 2015eko maiatzaren 27a.

IDAZKARI JUDIZIALA.

Azterketa dokumentala