RSS
115. zk., 2015eko ekainaren 22a, astelehena
- Bestelako formatuak:
- PDF (183 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
GETXOKO LEHEN AUZIALDIKO ETA INSTRUKZIOKO 5 ZENBAKIKO ZUZENEKO LAGUNTZA EMATEKO UNITATE PROZESALA
2762
EDIKTUA, adostasunik gabeko dibortzioari buruz bideratutako 374/2014 prozeduraren ondoriozkoa.
JAKINARAZPEN-ZEDULA
Getxoko (Bizkaiko) Lehen Auzialdiko 5 zenbakiko Epaitegian, adostasunik gabeko dibortzio bati buruzko 374/2014 prozedura bideratu da, Roberto Solorzano Gonzalezen aurka, Maria Teresa Usaola Libanok eskatuta, auzigaia dibortzioa zelarik. Prozedura horretan epai eman da, zeinaren idazpurua eta epaitza honako hauek baitira:
88/2015 EPAIA
Epailea: Ignacio de la Mata Barranco jauna.
Lekua: Getxo (Bizkaia).
Eguna: bi mila eta hamabosteko ekainaren bata.
Alderdi demandatzailea: Maria Teresa Usaola Libano.
Abokatua: Javier Diaz Paternain.
Prokuradorea: Carmen Miral Oronoz.
Alderdi demandatua: Roberto Solorzano Gonzalez.
Abokatua.
Prokuradorea.
Judizioaren gaia: dibortzioaren deklarazioa Maria Teresa Usaola Libanok eta Roberto Solorzano Gonzalezek eratutako ezkontzan.
EPAITZA
1.– Judizioaren gaia: dibortzioaren deklarazioa Maria Teresa Usaola Libanok eta Roberto Solorzano Gonzalezek eratutako ezkontzan.
2.– Honako erabaki hauek hartzea erabakitzen da, eta lehenago hartutako neurrien ordez aplikatuko dira:
A) 2014ko azaroaren 16ko autoaren bidez hartutako behin-behineko neurriak sendesten dira; hala ere, aldaketa hau ezarriko da: adingabearen aitarekiko komunikazioen, egonaldien eta bisitaldien araubidetik aterako dira astean zeharreko bisitak.
Jasota geratuko da Usaola andrea eta adingabea bizilekuz aldatu direla: Basagoiti etorbidea 40, 1. ezk. Halaber, eskatzen zaio Solorzano jaunari jakinaraz diezaiola amari, adingabearekin eman behar duen asteburua heldu aurretik, non emango duten gaua, eta eman diezaiola harremanetarako bideren bat –telefonikoa, elektronikoa (posta, whatsapa)–; izan ere, ez da adingabea emango informazio hori eman barik.
B) Ez da konpentsazio-pentsiorik ezarriko.
3.– Prozesuko kostuei buruzko kondena berezirik ez da egiten.
Epaia irmoa delarik, ezkontzako ondasunei dagokienez ezkontzako erregimen ekonomikoa deseginda geratuko da.
Jakinaraz bekie ebazpen hau dagokien erregistro zibilei, erregistro-ondorioetarako.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (4818 0000 33 037414). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman, irakurri eta argitaratu zuen. Eta nik, Epaitegiko idazkari naizenez, guzti horren fede ematen dut Getxon (Bizkaia), bi mila eta hamabosteko maiatzaren hogeita hamaikan.
Roberto Solorzano Gonzalez demandatuari behar bezala jakinarazpena egiteko balio dezan ematen eta sinatzen dut ediktu hau, Getxon (Bizkaian), bi mila eta hamabosteko ekainaren batean.
IDAZKARIA.