Euskal Herriko Agintaritzaren Aldizkaria

115. zk., 2015eko ekainaren 22a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

2760

EDIKTUA, 298/2013 prozedura arruntaren ondoriozkoa.

Durangoko Lehen Auzialdiko eta Instrukzioko 2 zenbakiko Zuzeneko Laguntza emateko Unitate Prozesaleko Epaitegia.

Judizioa: 298/2013 prozedura arrunta.

Demandatzailea: Oscar Eguia Bilbao.

Abokatua: Ricardo Garaigordobil Eguia.

Prokuradorea: Nuria Vega Suarez.

Demandatua: Maria Dolores Eguia Echevarria, Jasone Eguia Echevarria, Maria Nieves Eguia Echevarria, Miguel Eguia Bilbao eta Maria Lourdes Eguia Echevarria.

Gaia: jabekidetza azkentzeko akzioa.

Judizio horretan, epaia eman da 2015-03-05ean. Hona hemen epaitza:

Baiesten da Vega Suarez prokuradoreak Oscar Eguia Bilbaoren izenean eta ordez jarritako demanda, Maria Dolores Eguia Echevarria, Jasone Eguia Echevarria, Maria Nieves Eguia Echevarria, Miguel Eguia Bilbao eta Maria Lourdes Eguia Echevarria jaun-andreen aurkakoa; horrenbestez, hau deklaratzen dut:

– Amaitutzat ematen da finka honen, etxebizitza honen, jabe-erkidegoa: Durangoko Jabetza Erregistroan inskribatua (471. liburukia, Ermuko 22. liburua, 140. orrialdea, 1343. finka), 5. inskripzioan, hiri-finka gisa: bederatzia.– Ermuan eraiki berri den etxe bateko hirugarren pisuko erdialdeko etxebizitza, gaur egun Gipuzkoa etorbideko hogeita hamabosta duena. Etxebizitzak badu zortzi metro eta berrogei dezimetro koadroko egutera bat hegoaldeko eta ekialdeko fatxadetan. Etxebizitza-erabilera du, baita udal ordenantzek baimendutako gainerako finkak ere. Hirurogeita hamar metro koadroko barne-azalera erabilgarria du. Mugakideak: Hegoaldean edo fatxada nagusian: finkako bertako lurretara jotzen du, lur horiek Irunetik Koruñarako errepide nazionala dute mugan. Iparraldean: pisu bereko ezkerraldeko etxebizitza, erdialdeko patioa eta eskailera-kasa. Ekialdean: finkako bertako lurrak, lur horiek gurdibide bat dute mugan. Mendebaldean: patio bereko eskuinaldeko etxebizitza eta eskailera-kaxa. Higiezinaren balioan duten partaidetza-kuota hiru puntu eta berrogeita hamar ehunenekoa da. Katastroko erreferentzia: U4121388K zenbaki finkoa.

– Enkante publikoan saldu behar da aipatutako finka, kanpoko lizitatzaileak onartuta eta lizitaziorako oinarririk ezarri gabe. Horren ostean, jabekideen artean banatuko da lortutako prezioa, partaidetza-kuotaren arabera (epaia exekutatuz burutuko da hori); horrenbestez, kondenatzen ditut demandatuak deklarazio horretan egotera eta hortik pasaraztera.

Kostuak ez zaizkio beren-beregi inori ezartzen.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (4762 0000 04 0298 13) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 art.).

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, idazkari judiziala naizenez, guztiaren fede ematen dut Durangon, bi mila eta hamabosteko martxoaren bostean.

Jasone Eguia Echevarria demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake demandatu auzi-iheslariak.

Jakinarazten den ebazpenaren testu osoa eskura du interesdunak auzitegi honetako bulego judizialean.

Durango (Bizkaia), 2015eko maiatzaren 26a.

IDAZKARI JUDIZIALA.

Azterketa dokumentala