Euskal Herriko Agintaritzaren Aldizkaria

115. zk., 2015eko ekainaren 22a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 13 ZENBAKIKO EPAITEGIA

2759

EDIKTUA, zor-aitorpenari buruz bideratu den 593/2012 prozedura arruntaren ondoriozkoa.

JAKINARAZPEN-ZEDULA

Bilboko Lehen Auzialdiko 13 zenbakiko Epaitegian (Bizkaia), 593/2012 prozedura arrunta bideratu da, diru-zenbateko bat erreklamatzeko. Ibon Arrizabalaga Zabalak eta Helena Fernandez Alonsok eskatuta, Maria Carmen Cabrera Vilaren eta Marco Antonio Arenas Ramirezen aurka. Prozedura horren gainean epaia eman da. Hona hemen idazpurua eta epaitza:

173/2014 EPAIA

Epailea: Paula Boix Sampedro.

Lekua: Bilbao (Bizkaia).

Eguna: bi mila eta hamalauko uztailaren hamazazpia.

Alderdi demandatzailea: Ibon Arrizabalaga Zabala eta Helena Fernandez Alonso.

Abokatua: Begoña De La Cal Garcia.

Prokuradorea: Raquel Regidor Llamosas.

Alderdi demandatua: Maria Carmen Cabrera Vila eta Marco Antonio Arenas Ramirez.

Abokatua.

Prokuradorea.

Judizioaren gaia: betebeharrak betetzea.

EPAITZA

Osorik baiesten dut Ibon Arrizabalaga Zabalaren eta Helena Fernandez Alonsoren ordezkari prozesalak Maria Carmen Cabrera Vilaren eta Marco Antonio Arenas Ramirezen aurka aurkeztutako demanda. Hortaz, demandatua kondenatzen dut auzi-jartzaileari 32.002,53 euro ordaintzera, gehi legezko interesak (demanda jarri zutenetikoak) eta prozedura-kostuak.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4751. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Maria Carmen Cabrera Vila eta Marco Antonio Arenas Ramirez demandatuei behar bezalako jakinarazpena egiteko balio dezan, ematen eta sinatzen dut ediktu hau, Bilbon (Bizkaia), bi mila eta hamalauko uztailaren hamazazpian.

IDAZKARIA.

Azterketa dokumentala