Euskal Herriko Agintaritzaren Aldizkaria

111. zk., 2015eko ekainaren 16a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 3 ZENBAKIKO ZUZENEKO LAGUNTZA EMATEKO UNITATE PROZESALA

2654

EDIKTUA, ezkontzaz kanpoko seme-alabentzako neurrietarako 294/2014 prozeduraren ondoriozkoa.

Tolosako Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: 294/2014 ezkontzaz kanpoko seme-alabentzako neurriak.

Demandatzailea: Loveth Egharo.

Abokatua: Ana Isabel Lopez Casarrubios.

Prokuradorea: Susana Aizpun González.

Demandatua: Ibrahim Emmanuel.

Auzi-gaia: guraso eta seme-alabentzako neurriak arautzea.

Judizio horretan, epaia eman da 2015-03-31n. Hona hemen epaitza:

«EPAITZA

Partez baiesten dut Loveth Egharo-ren ordezkaritzak Ibrahim Emmanuel-en aurka aurkeztutako demanda, eta elkarrekin dituzten seme-alabei dagokienez, honako erabaki hauek hartzen ditut:

1.– Loveth Egharo-ri ematen dizkiot seme-alaben zaintza eta jagoletza: eta guraso-ahala erdibana izango dute guraso biek.

2.– Mantenu-pentsioari dagokionez, seme-alaba bakoitzeko hilean 200 euro ordainduko dizkio Ibrahim Emmanuel-ek Loveth Egharo-ri; beraz, guztira, 400 euro hilean. Zenbateko hori aurreratuta ordaindu beharko du, hil bakoitzaren lehenengo bost egunetan, amak izendatzen duen bankuan eta kontuan. Zenbateko hori urtero eguneratuko da, Estatistikako Institutu Nazionalak edo hori ordezkatzen duen erakundeak argitaratutako Kontsumoko Prezioen Indizearen arabera. Mantenua ordaintzeko obligazioa azkendu egingo da seme-alabak adin nagusikoak eta ekonomikoki burujabeak direnean.

3.– Seme-alabek sortzen dituzten aparteko gastuak aitak eta amak erdibana ordainduko dituzte. Gastu horiek honako hauek dira, besteak beste: Gizarte Segurantzak estaltzen ez dituen osasun-gastuak, ikasketak (unibertsitatekoak izan zein ez), eskolako liburuak eta materiala, eskolaz kanpoko jarduerak, irtenaldiak, udalekuak, eta abar; beste hiri batean eginiko egonaldiak unibertsitateko ikasketen kasuan eta antzeko ezaugarriak dituzten bestelako gastuak. Gastua ordaindu baino lehen, horren berri emango zaio beste gurasoari, horren gaineko akordio batera iristeko.

4.– Adingabeekiko honako bisita-, egonaldi- eta komunikazio-araubide hau ezartzen da aitaren alde:

– Hilean asteburu bat, larunbat eta igande arratsaldean, familiarentzako elkargunean, eta zentroko profesionalek gainbegiratuta.

Bestalde, ez da kostuen gaineko erabakirik hartzen.

Ibrahim Emmanuel demandatuaren egungo helbidea ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, Gipuzkoako Probintzia Auzitegian, hogei eguneko epean.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Tolosa (Gipuzkoa), 2015eko maiatzaren 29a.

IDAZKARI JUDIZIALA.

Azterketa dokumentala