Euskal Herriko Agintaritzaren Aldizkaria

106. zk., 2015eko ekainaren 9a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GERNIKA-LUMOKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

2533

EDIKTUA, adostasunik gabeko dibortzio bati buruzko 125/2014 prozeduraren ondoriozkoa.

JAKINARAZPEN ZEDULA

Alicia Loreto Villavicencio del Campo-ren aurka, Jorge Mario Riadi Alarcon-ek eskaturik, Gernika-Lumoko (Bizkaia) Lehen Auzialdiko 1 zenbakiko Epaitegian bideratutako adostasunik gabeko 125/2014 Prozeduran epaia eman da, zeinaren epaitza eta idazpurua honako hauek baitira hitzez hitz:

134/2014 EPAIA

Epailea: Rebeca Huertos Domingo.

Lekua: Gernika-Lumo (Bizkaia).

Eguna: bi mila eta hamabosteko abenduaren hogeita hirua.

Alderdi demandatzailea: Jorge Mario Riadi Alarcon.

Abokatua: Clara Isabel Rivas Suarez.

Prokuradorea: Miren Itxaso Esesumaga Arrola.

Alderdi demandatua: Alicia Loreto Villavicencio Del Campo.

Judizioaren xedea: Jorge Mario Riadi Alarcon-ek eta Alicia Loreto Villavicencio Del Campo-k osatutako ezkontzaren dibortzioa deklaratzea.

EPAITZA

1.– Jorge Mario Riadi Alarcon-ek eta Alicia Loreto Villavicencio Del Campo-k osatutako ezkontzaren dibortzioa agintzen da; demandatuari ezartzen zaizkio kostuak.

Epaia irmoa delarik, ezkontzako ondasunei dagokienez ezkontzako erregimen ekonomikoa deseginda geratuko da.

Jakinaraz bekie ebazpen hau dagokien erregistro zibilei, erregistro-ondorioetarako.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:..................... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Alicia Loreto Villavicencio Del Campo demandatuari behar bezalako jakinarazpena egiteko balio dezan, ematen eta sinatzen dut hau, Gernika-Lumon (Bizkaia), bi mila eta hamabosteko maiatzaren hogeita batean.

IDAZKARIA.

Azterketa dokumentala