Euskal Herriko Agintaritzaren Aldizkaria

105. zk., 2015eko ekainaren 8a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

2520

EDIKTUA, guraso-ahalari buruzko 95/2014 prozedura arruntaren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: 95/2014 prozedura arrunta.

Alderdi demandatzailea: Bizkaiko Foru Aldundia.

Alderdi demandatua: Nora Jardouni Kaskassi.

Gaia: judizio arrunta.

Judizio horretan ebazpena eman da eta honela dio:

314/2015 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamabosteko maiatzaren hemezortzia.

Alderdi demandatzailea: Bizkaiko Foru Aldundia.

Abokatua: Joaquin Gaston Fernandez de Arcaya.

Prokuradorea: Monica Durango Garcia.

Alderdi demandatua: Nora Jardouni Kaskassi.

Alderdi parte-hartzailea: fiskaltza.

Gaia: guraso-ahal kentzea.

EPAITZA

Osorik baiesten dut judizio arrunteko demanda, guraso-ahala kentzeari buruzkoa, Durango Garcia prokuradoreak Bizkaiko Foru Aldundiaren izenean eta ordez jarritakoa, Nora Jardouni Kaskassiren aurkakoa, auzi-iheslaria bera; horrenbestez, XXXXX alaba adingabearen gaineko guraso-ahala erabat kentzen diot Nora Jarmouni Keskassiri. Gainera, ez diot kosturik inori ezartzen.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak».

Eta epai honen bidez erabaki, agindu eta sinatzen dut.

Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Bilbon (Bizkaia), bi mila eta hamabosteko maiatzaren hemezortzian.

Alderdi demandatuaren gaur egungo helbidea edo bizilekua ezezaguna denez, Prozedura Zibilaren 1/2000 Legeko 156.4 eta 164. artikuluetan xedatutakoarekin bat, bulego judizialeko iragarki-oholean ediktu hau argitaratzea ebatzi da, epaiaren jakinarazpen-eginbidea burutzeko.

Bilbao (Bizkaia), 2015eko maiatzaren 19a.

IDAZKARI JUDIZIALA.

Azterketa dokumentala