RSS
101. zk., 2015eko ekainaren 2a, asteartea
- Bestelako formatuak:
- PDF (174 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BARAKALDOKO LEHEN AUZIALDIKO 1 ZENBAKIKO EPAITEGIA
2433
EDIKTUA, 961/2014 hitzezko judizioaren ondoriozkoa.
JAKINARAZPEN ZEDULA
Barakaldoko Lehen Auzialdiko 1 zenbakiko Epaitegian, 961/2014 hitzezko judizioa bideratu da, Alexander Frias Bermejo jaunak eskatuta, Juan Carlos Mahillo Roncero jaunaren aurka. Prozedura horren gainean epaia eman da. Hona hemen idazpurua eta epaitza:
75/2015 EPAIA
Epailea: Isabel Odriozola Trueba.
Lekua: Barakaldo (Bizkaia).
Eguna: bi mila eta hamabosteko apirilaren hogeia.
Alderdi demandatzailea: Alexander Frias Bermejo.
Abokatua: Sara Pasamar Urrutia.
Prokuradorea: Paula Basterreche Arcocha.
Alderdi demandatua: Juan Carlos Mahillo Roncero.
Abokatua:
Prokuradorea:
Judizioko gaia: betebeharrak.
EPAITZA
Osorik baiesten dut Alexander Frias Bermejoren ordez Basterreche prokuradoreak aurkeztutako demanda; horrenbestez, kondenatzen dut Juan Carlos Mahillo Roncero, 3.582,68 euro ordaintzera. Zenbateko horrek legezko interes arrunta sortuko du, judizioz kanpoko lehenengo erreklamazioaren egunetik aurrera eta, horren ezean, prozedura monitorioa hasteko eskabidea aurkeztu zenetik aurrera.
Alderdi demandatuari ezartzen zaizkio kostuak.
Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da:..................... Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak»
Eta epai honen bidez erabaki, agindu eta sinatzen dut.
Juan Carlos Mahillo Roncero demandatuari behar bezala jakinarazteko balio dezan, egin eta sinatzen dut ediktu hau, Barakaldon (Bizkaia), bi mila eta hamabosteko maiatzaren hamahiruan.
IDAZKARIA.
