Euskal Herriko Agintaritzaren Aldizkaria

90. zk., 2015eko maiatzaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BIZKAIKO PROBINTZIA AUZITEGIA

2154

EDIKTUA, seme-alaben arteko harremanei buruzko apelazioaren gainean bideratutako 98/2015 prozeduraren ondoriozkoa.

Bizkaiko Probintzia Auzitegia – Laugarren Sekzioa.

Errekurtsoa: L2 98/2015 apelazioa, ezkontzaz kanpoko seme-alabentzako neurriak, adostasunik gabekoak.

Errekurtso-egilea: Nohelia Margarita Marquez.

Abokatua: Concepcion Cabanillas Cardenas.

Prokuradorea: Maria Rosario Martinez Gonzalez.

Alderdi errekurritua: Fiskaltza eta Josue Gabriel Rivera Castillo.

Gaia: ezkontzaz kanpoko seme-alabei buruzko neurriak, adostasunik gabe.

Judizio horretan, epaia eman da 2015-01-23an. Hona hemen epaitza:

EPAITZA:

Partez baietsi da Nohelia Margarita Marquezen ordezkaritzan Maria Rosario Martinez Gonzalez prokuradoreak aurkeztutako apelazio-errekurtsoa, Barakaldoko Lehen Auzialdiko 5 zenbakiko Epaitegiak ezkontzaz kanpoko seme-alabentzako adostasunik gabeko neurriei buruzko 457/2010 autoetan emandako 2014ko azaroaren 7ko epaiaren kontrakoa. Horrenbestez, aipatutako epaia atzera botatzen dugu alde bakar batean, hau da, XXXXX adingabearen guraso-ahala haren ama den Nohelia Margarita Marquezen esku uzten da. Gora jotzeko sortutako kostuak, bestalde, alderdi apelatzaileari ezartzen dizkiogu berariaz.

Itzul bekio errekurritzeko aurkeztutako gordailua Nohelia Margarita Marquezi. Horretarako, jatorrizko epaitegiko idazkari judizialak itzulketa-agindua emango du.

Aurkaratzeko modua: ebazpen honen aurka kasazio-errekurtsoa aurkez daiteke Auzitegi Goreneko Arlo Zibileko Salan, kasaziorako oinarria egiaztatuz gero. Errekurtsoa jartzeko, idazkia aurkeztu behar da epaitegi honetan, hogei egun balioduneko epean, ediktu hau jakinarazi eta biharamunetik aurrera (PZLb, 477. eta 479. artikuluak).

Prozesuko arau-haustea dela-eta, ezohiko errekurtsoa ere aurkeztu ahal izango da, PZLb-n aurreikusitako arrazoietako batengatik, Auzitegi Goreneko Arlo Zibileko Salan. Errekurtso hori idatziz aurkeztu beharko da, epaitegi honetan, jakinarazpena egin eta hogei egun balioduneko epean (PZLb-ko 470.1 artikulua eta azken xedapenetatik hamaseigarrena).

Errekurtsoak aurkezteko beharrezkoa izango da 50 euro uztea gordailuan, baldin eta kasazio-errekurtsoa bada; eta 50 euro, arau-hauste prozesalengatiko ezohiko errekurtsoa bada. Baldintza horiek bete ezean ez zaizkie izapideak egingo. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailu eta Kontsignazioetarako Kontuan. Kontuaren zenbakia hauxe da 4704 0000 00 0098 15. Errekurtso biak baliatuz gero, bi ezarpen-eragiketa ezberdin egin beharko ditu errekurtso-egileak, eta, sarrera-ordainagiriaren kontzeptuaren lekuan, «Errekurtsoa» 06 kodea dela adierazi beharko du kasazio-errekurtsoa bada, eta 04 kodea dela, arau-hauste prozesalarengatiko ezohiko errekurtsoa bada. Errekurtsoa prestatzerakoan egiaztatu egin beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Errekurtsoa aurkezteko idazki bakoitzari honako hau erantsi beharko zaio: tasa judiziala ordaindu izanari buruzko egiaztagiri behar bezala balioztatua, salbu eta 10/2012 Legean aurreikusitako exentzioren bat gertatzen bada.

Gure epai honen bitartez, erabakitzen, agintzen eta sinatzen dugu.

Argitalpena..– Epaia sinatzen duten magistratuek eman zuten, eta magistratu txostengileak irakurri zuen 2015eko apirilaren 30ean. Eta nik, idazkari judiziala naizenez, egiaztatu egiten dut.

Demandatua, Josue Gabriel Rivera Castillok, bizilekua egun non duen ez dakigunez, erabaki da ebazpen hori Euskal Herriko Agintaritzaren Aldizkarian argitaratutako ediktu baten bidez jakinaraztea, Prozedura Zibilari buruzko 1/2000 Legearen 497.2 artikuluan agindutakoarekin bat.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2015eko apirilaren 30a.

IDAZKARI JUDIZIALA.

Azterketa dokumentala