Euskal Herriko Agintaritzaren Aldizkaria

54. zk., 2015eko martxoaren 20a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

OSASUN SAILA

1335

EBAZPENA, 2015eko martxoaren 9koa, Plangintza, Antolamendu eta Ebaluazio Sanitarioko zuzendariarena, Gipuzkoako Osasun Barrutiko Ikerketa Klinikoetarako Batzorde Etikoari akreditazioa berritzeko dena.

Farmazia Zuzendaritzaren eskabidea jaso da, Euskadiko Ikerketa Klinikoetarako Batzorde Etikoaren osaera aldatzeko. Horregatik, Euskal Autonomia Erkidegoko Ikerketa Klinikoetarako Komite Etikoen akreditazioak arautzen dituen Osasuneko sailburuaren 1994ko irailaren 28ko Aginduaren 2. eta 6. artikuluetan (urriaren 24ko EHAA, 202. zk.), sendagaiekin egindako saiakuntza klinikoak arautzen dituen 2004ko otsailaren 6ko 223/2004 Errege Dekretuaren 11. artikuluan, Euskal Autonomia Erkidegoko Ikerketa Klinikoetarako Batzorde Etikoa sortzeko 2005eko urtarrilaren 11ko 3/2005 Dekretuaren 6. artikuluan, eta Ikerkuntza Biomedikoari buruzko uztailaren 3ko 14/2007 Legean xedatutakoa kontuan izanik, eta Osasun Sailaren egitura organiko eta funtzionala ezartzen duen apirilaren 9ko 195/2013 Dekretuaren 12. artikuluak emandako egitekoak betez, hau

EBAZTEN DUT:

Lehenengoa.– Akreditazioa berritzea Gipuzkoako Osasun Barrutiko Ikerketa Klinikoetarako Batzorde Etikoari.

Bigarrena.– Batzorde horretako kidetzat berrestea hauek:

– Presidentea:

José Ignacio Emparanza Knör jauna, Medikuntza eta Kirurgia orokorrean lizentziatua, pediatrian espezialista.

– Presidenteordea:

Koro Andueza Granados andrea, Farmazian lizenziatua.

– Idazkaria:

Nerea Egües Olazábal andrea, Medikuntza eta Kirurgia orokorrean lizentziatua, prebentzio-medikuntzan espezialista.

– Batzordekideak:

Itziar Alfonso Farnós andrea, Farmakologo klinikoa

Pablo Aldazabal Amas jauna, Medikuntza eta Kirurgia orokorrean lizentziatua

Xabier Aguirre Arratibel jauna, Ekonomia eta Enpresa Zientzietan lizentziatua

Luis Javier Ronco Navarro jauna, Zuzenbidean lizentziatua

Emilio Pérez Trallero jauna, Medikuntza eta Kirurgia Orokorrean lizentziatua, mikrobiologian espezialista

Pedro Iturrioz Rosell jauna, Medikuntza eta Kirurgia Orokorrean lizentziatua, familiako medikuntzan espezialista

Maider Ruiz de Eguino andrea, Erizaintzako unibertsitate-diplomaduna

Félix Zubia Olascoaga jauna, Medikuntza eta Kirurgia Orokorrean lizentziatua, medikuntza intentsiboan espezialista

Ibon Jaunarena Marín jauna, Medikuntza eta Kirurgia Orokorrean lizentziatua, ginekologian eta obstetrizian espezialista

Jon Zabaleta Jiménez jauna, Medikuntza eta Kirurgia Orokorrean lizentziatua, bularraldeko kirurgian espezialista

Adelaida Lacasta Muñoa andrea, Medikuntza eta Kirurgia Orokorrean lizentziatua, medikuntza-onkologian espezialista

Carmen Garde Orbaiz andrea, Medikuntza eta Kirurgia Orokorrean lizentziatua, familiako medikuntzan espezialista.

Hirugarrena.– Kontuan izanik jarraian zehazten den arloko osasun-baliabideen banaketa nahiz zentroetan Ikerketa Klinikoko Batzorde Etikoei dagozkien berezko zereginak betetzeko dauden bitarteko egokien baliagarritasuna, Akreditazioa berritzea Gipuzkoako Osasun Barrutiko Ikerketa Klinikoetarako Batzordearen jarduera-eremu geografiko eta instituzionalean sartuko dira zentro hauetan egiten diren zentro bakar bateko saiakuntza klinikoak, zentro bakar batek baimena eman ondoren egindako behaketa-azterketak eta zentro bakar baten ikerketa-proiektuak:

– Gipuzkoako osasun-barrutian,Osakidetza-Euskal Osasun Zerbitzuko ospitalekoak zein ospitalez kanpokoak diren zentro guztiak, baita lehen mailako arretakoak ere.

– Gipuzkoako Osasun Barrutian titulartasun pribatua duten zentro guztiak.

– Universidad del País Vasco / Euskal Herriko Unibertsitateak (UPV-EHU) Gipuzkoako Osasun Barrutian dituen zentroak.

Laugarrena.– Batzordeak Ezagutzaren Gestioko eta Ebaluazioko Zuzendaritzara igorri beharko ditu funtzionamendurako prestatutako lan-prozedura espezifikoak eta bileren maiztasunari eta zehaztu duen gehienezko erantzun-denborari buruzko informazioa, han jasotzeko, eta haien berri emateko.

Horrez gainera, indarrean dagoen legediari jarraiki Osasun eta Kontsumo Ministeriora bidali behar dituen komunikazioak aurkeztu beharko ditu, izapidetzeko.

Bosgarrena.– Ebazpen honen helburu den akreditazioa indarrean sartuko da Euskal Herriko Agintaritzaren Aldizkarian argitaratu eta hurrengo egunetik aurrera, eta hiru urteko indarraldia izango du. Epe hori amaitzean, berritu ahal izango da, eskaera 1994ko irailaren 28ko Aginduaren 6. artikuluan zehazten den moduan aurkeztuta. Osasun eta Kontsumo Ministerioari eman beharko zaio horren berri.

Seigarrena.– Ebazpen honek ez dio amaiera ematen administrazio-bideari, eta, beraren aurka, interesdunak gora jotzeko errekurtsoa aurkez dezake Osasuneko sailburuordeari zuzenduta edo Plangintza, Antolamendu eta Ebaluazio Sanitarioko zuzendariari zuzenduta, hilabeteko epean, ebazpena ofizialki argitaratu eta hurrengo egunetik aurrera.

Vitoria-Gasteiz, 2015eko martxoaren 9a.

Plangintza, Antolamendu eta Ebaluazio Sanitarioko zuzendaria,

MARÍA LUISA ARTEAGOITIA GONZÁLEZ.

Azterketa dokumentala