Euskal Herriko Agintaritzaren Aldizkaria

44. zk., 2015eko martxoaren 5a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

1075

EDIKTUA, ezkontzaz kanpoko seme-alabentzako neurrietarako 155/2014 prozeduraren ondoriozkoa.

Bilboko Lehen Auzialdiko 6 zenbakiko Epaitegia (familia).

Judizioa: ezkontzaz kanpoko seme-alabentzako neurriak (155/2014).

Alderdi demandatzailea: Rosa Hernandez Diaz.

Alderdi demandatua: Jesus Esteban Ganuza Sachetich.

Gaia: ezkontzaz kanpoko seme-alabentzako neurriak.

Judizio horretan ebazpena eman da eta honela dio hitzez hitz:

626/2014 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamalauko abenduaren bederatzia.

Alderdi demandatzailea: Rosa Hernandez Diaz.

Abokatua: Ignacio Arranz Ruiz.

Prokuradorea: Sandra Perez Alba.

Alderdi demandatua: Jesus Esteban Ganuza Sachetich.

Abokatua.

Alderdi parte-hartzailea: Fiskaltza.

Auzigaia: seme adingabearekiko neurri ekonomikoak eta pertsonalak hartzea.

EPAITZA

Baietsi egiten dut partez Perez Alba prokuradoreak, Rosa Hernandez Diaz-en ordez eta izenean aurkeztutako demanda, seme adingabearentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den Jesus Esteban Ganuza Sachetich aitaren aurka; eta Fiskaltza parte delarik, XXXXX adingabeari dagokionez (2004ko azaroaren 18an jaioa), honako neurri pertsonal eta mantenu-neurri hauek hartzea erabaki dut:

1.– Gorka Elias Ganuza Hernandez adingabearen zaintza eta jagoletza Rosa Hernandez Diaz amari esleitzen zaizkio; guraso-ahala, berriz, bi gurasoek baliatuko dute.

2.– Jesus Esteban Ganuza Sachetich-ek, XXXXX semearentzako mantenu-pentsio gisa, edozein kontzeptugatik jasotako hileko sarrera garbien % 20 ordainduko du, eta gutxienez 120 euro, betiere. Zenbateko hori, aurreratuta, hileko lehenengo bost egunetan sartuko du adingabearen amak horretarako zehazten duen bankuko kontuan. Urtero eguneratu beharko da ezarritako hileko gutxieneko zenbatekoa, betiere Estatistikako Institutu Nazionalak argitaratutako kontsumo-prezioen indizeak duen aldakuntzarekin bat etorriz.

3.– Bien semeak (XXXXX) izan ditzakeen ezohiko gastuak bi gurasoek ordainduko dituzte, erdibana.

4.– Jesus Esteban Ganuza Sachetich eta XXXXX bere seme adingabearen arteko bisita-erregimen hau ezartzen da –gurasoek adingabearen interesaren alde akordio hoberik lortu ezean–:

Jagoletza ez daukan gurasoa adingabearekin egon ahal izango da asteburu birik behin, larunbateko arratsaldean eta igandeko arratsaldean, 17:00etatik 20:00etara. Adingabea amaren etxean hartu eta entregatu beharko da.

Aitaren eta semearen arteko komunikazioan, telefono edo baliabide telematiko eta antzekoen bidez eginikoan, adingabearen eskolako eta eskolaz kanpoko eguneroko jarduerak errespetatu beharko dira, bai eta bere atseden-orduak ere, uneoro adingabearen ongizatea zainduz.

Ez da kosturik ezartzen.

Aurkaratzeko modua: Bizkaiko Probintzia Auzitegiari aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2015eko otsailaren 17a.

IDAZKARI JUDIZIALA.

Azterketa dokumentala