RSS
38. zk., 2015eko otsailaren 25a, asteazkena
- Bestelako formatuak:
- PDF (192 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
932
EDIKTUA, ezkontzaz kanpoko seme-alabentzako neurrietarako 237/2014 prozeduraren ondoriozkoa.
JAKINARAZPEN ZEDULA
Bilboko Lehen Auzialdiko 5 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 237/2014 prozedura bideratu da, Milvia Maria Veronica Caceres Moranek eskatuta, Vicente Darwin Robles Abaden aurka. Prozedura horren gainean epaia eman da. Hona hemen idazpurua eta epaitza:
63/2015 EPAIA
Epailea: Francisco Javier Osa Fernández.
Lekua: Bilbao (Bizkaia).
Eguna: bi mila eta hamabosteko otsailaren bia.
Alderdi demandatzailea: Maria Veronica Caceres Moran.
Abokatua: Raul Pajares Escandon.
Prokuradorea: Ana Bregel Orella.
Alderdi demandatua: Vicente Darwin Robles Abad.
Abokatua.
Prokuradorea.
Judizioaren gaia: seme-alaba adingabeentzako neurriak, zaintza eta jagoletzari eta mantenuari dagokienez.
EPAITZA
Baietsi egiten dut Maria Veronica Caceres Moranek aurkeztutako demanda, auzi-ihesean den Vicente Darwin Robles Abaden aurkakoa, eta, horrenbestez, alaba adingabeari dagokionez, honako neurri hauek hartzea erabaki dut:
1.– Alaba adingabearen zaintza eta jagoletza amari esleitzen zaizkio eta adingabearen gaineko guraso-ahalari dagozkion gainerako ahalmenak, halaber, berak bakarrik izango ditu.
2.– Bertan behera geratzen da aitaren eta seme adingabearen arteko komunikazio- eta bisita-erregimena. Egunen batean, aita bere alabarekiko harremanari berriro lotu nahi izango balitzaio, bisitaldiak ezartzeko prozedurari hasiera eman beharko litzaioke.
3.– Aitak 100 euro ordainduko dizkio hilero amari, alaba adingabearen mantenu modura. Aurreratuta eta hil bakoitzaren lehenengo bost egunetan ordainduko du, emazteak izendatzen duen kontuan dirua sartuz; zenbateko hori urtero urtarrilean eguneratu beharko da Estatistikako Institutu Nazionalak edo hori ordezkatzen duen erakundeak estatu osorako argitaratutako prezioen aldaketen arabera, oinarritzat justu aurreko hamabi hilabeteak hartuz. Ordainketa egin ezean, bidezko legezko neurriak hartuko dira.
4.– Alabaren ezohiko gastuak erdibana ordainduko dituzte aitak eta amak. Ezohiko gastutzat hartzen dira aurreikusten ez direnak eta aldizkakoak ez direnak; hala nola gaixotasun-gastuak, ospitaleratze-gastuak, tratamendu berezien gastuak, odontologia, ortodontzia edo optikako gastuak, edo farmazeutikoak, gizarte-segurantzak edo gurasoek hitzartuta daukaten beste mutualitate edo erakunde batek estaltzen ez dituenak, baita irakasle edo tutoreek gomendatzen dituzten laguntza- edo errefortzu-eskolen gastuak ere.
Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dizkio adingabeko alabek dituzten aparteko premiak, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean beste gurasoaren erantzunik ez badago, gastua onartuta dagoela ulertuko da.
Behar bezala jasota geratzeko moduan egingo dira halako jakinarazpenak.
5.– Prozesuko izapide honetan ez da beste neurririk hartuko.
Prozedura hau izapidetzerakoan sortutako prozesu-kostuak ez zaizkio berariaz inori ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta Vicente Darwin Robles Abad demandatuari behar bezalako jakinarazpena egiteko balio dezan, eman eta sinatzen dut hau, Bilbon (Bizkaia), bi mila eta hamabosteko otsailaren hiruan.
IDAZKARIA.