Euskal Herriko Agintaritzaren Aldizkaria

35. zk., 2015eko otsailaren 20a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 2 ZENBAKIKO EPAITEGIA

870

EDIKTUA, ezkontzaz kanpoko seme-alabentzako neurrietarako 7/2014 prozeduraren ondoriozkoa.

JAKINARAZPEN ZEDULA

Durangoko Lehen Auzialdiko 2 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 7/2012 prozedura bideratu da, Carmen Aliria Duque Marquezek eskatuta, Robert Arturo Santiago Castroren aurka. Prozedura horren gainean epaia eman da. Hona hemen idazpurua eta epaitza, kopiatuta:

15/2015 EPAIA

Epailea: Julio Luis Gallego Martinez.

Lekua: Durango (Bizkaia).

Eguna: bi mila eta hamabosteko urtarrilaren hogeita bederatzia.

Alderdi demandatzailea: Carmen Aliria Duque Marquez.

Abokatua: Inmaculada Nistal Llamazares.

Prokuradorea: Elena Astigarraga Albistegui.

Alderdi demandatua: Robert Arturo Santiago Castro.

Abokatua.

Prokuradorea.

Judizioaren gaia: efektuak eskatzea.

Durango, bi mila eta hamaluako urtarrilaren hogeita zortzia.

Julio Luis Gallego Martínezek, Durangoko Instrukzioko 2 zenbakiko Epaitegiko epaileak, ezkontzaz kanpoko seme-alabentzako neurrietarako bideratu diren 7/2012 autoak ikusi ditu. Autoak epaitegi honetan bideratu dira, Carmen Aliria Duque Marquezek eskatuta, epaitegietako prokuradore Astigarraga Albistegui andrea ordezkari duela eta Nistal Llamazares abokatuaren laguntzarekin, Roberto Arturo Santiago Castroren aurka, auzi-iheslaria bera.

EPAITZA

Osorik baiesten dut Carmen Aliria Duque Marquezen ordezkaritza prozesalak Roberto Arturo Santiago Castroren aurka aurkeztutako demanda, eta, horrenbestez, honako hau erabakitzen dut:

1.– Amak izango du XXXXX adingabekoaren zaintza eta jagoletza; guraso-ahala, berriz, bi gurasoena izango da.

2.– Roberto Arturo Santiago Castrok, mantenu-pentsio gisa, 100 euro ordaindu beharko ditu hilero. Kopuru hori hilaren lehenengo bost egunetan sartu beharko du demandatzaileak horretarako emandako kontu-zenbaki batean, eta kopuru hori urte bakoitzaren urtarrilaren batean eguneratu ahal izango da, Estatistikako Institutu Nazionalak urtero argitaratzen duen Kontsumoko Prezioen Indizearen aldaketen arabera.

Horretaz gain, ezohiko gastuei dagokienez, halakotzat hartuko dira, ezohikoak izatearren, ohiko ekarpen gisa hartu behar ez direnak, hau da: gizarte-segurantzak edo dagokion mutuak estaltzen ez dituen gastu medikoak, edo, ez estaltzeaz gain, gastu handia dakartenak, tratamendu psikikoak, tresna zuzentzaileak (lentillak, betaurrekoak, ortodontzia) eta dagozkien ordainsari medikoak. Gastu horiek bi gurasoek ordainduko dituzte, erdibana; jagoletza duen gurasoak gastu horien beharra eta gastuaren zenbatekoa justifikatu beharko ditu, agiri bidez. Adostasunik ez badago, epailearen oniritzia eskatuko da. Prozedura honetako kostuak ez dira berariaz ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (4762 0000 30 000712). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 art.).

Eta epai honen bidez erabaki, agindu eta sinatzen dut.

Eta Robert Arturo Santiago Castro demandatuari behar bezalako jakinarazpena egiteko balio dezan, ematen eta sinatzen dut ediktu hau, Durangon (Bizkaia), bi mila eta hamabosteko urtarrilaren hogeita hamarrean.

IDAZKARIA.

Azterketa dokumentala