RSS
35. zk., 2015eko otsailaren 20a, ostirala
- Bestelako formatuak:
- PDF (203 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 6 ZENBAKIKO EPAITEGIA
868
EDIKTUA, adostasunik gabeko dibortzioari buruz bideratutako 172/2014 prozeduraren ondoriozkoa.
Bilboko Lehen Auzialdiko 6 zenbakiko Epaitegia (Familia).
Judizioa: adostasunik gabeko dibortzioa. 172/2014.
Alderdi demandatzailea: Maria Milonguita Manuel Henriques.
Alderdi demandatua: Jose Manuel Tecolo.
Auzigaia: adostasunik gabeko dibortzioa.
Judizio horretan ebazpena eman da, eta honela dio hitzez hitz:
57/2015 EPAIA
Epailea: Isabel Elexpuru Eguia.
Lekua: Bilbao (Bizkaia).
Eguna: bi mila eta hamabosteko otsailaren bia.
Alderdi demandatzailea: Maria Milonguita Manuel Henriques.
Abokatua: Itziar Rodrigo Alvarez.
Prokuradorea: Marta Pascual Miravalles.
Alderdi demandatua: Jose Manuel Tecolo.
Alderdi parte-hartzailea: Fiskaltza.
Auzigaia: dibortzioaren bidez ezkontza desegitea.
EPAITZA
Zati batean baiesten dut Pascual Miralles auzitegietako prokuradoreak, Maria Milonguita Manuel Henriques-en ordez, jarri duen demanda, prozesuan auzi-iheslari deklaratu den Jose Manuel Tecoloren aurka, dibortzioaren bidez ezkontza desegiteko deklarazioa eta seme-alabeekiko neurriak hartzeari buruzkoa. Fiskaltza parte izan da. Horrenbestez, Maria Milonguita Manuel Henriques eta Jose Manuel Tecolo ezkontideek osatutako ezkontza dibortzioaren bidez deseginda dagoela deklaratzen dut, deklarazio horrek berarekin dakartzan legezko eragin guztiekin. Horiek horrela, hona hemen hartu ditudan behin betiko neurriak:
1.– XXXXX, XXXXX, XXXXX eta XXXXX lau seme-alaba adingabeen zaintza eta jagoletza Maria Milonguita Manuel Henriques amari esleitzen dizkiot; horretaz gain, guraso-ahala esklusiboki baliatzea ere amari esleitzen diot.
2.– Ez da jagoletzarik ez duen gurasoaren (Jose Manuel Tecolo) eta bere lau seme-alaba adingabeen arteko bisita-erregimenik ezartzen.
3.– XXXXX, XXXXX, XXXXX eta XXXXX seme-alaba komunentzako mantenu-pentsiorako, Jose Manuel Tecolo aitak honako hileko zenbatekoa ordaindu beharko du: kontzeptua edozein delarik, dituen hileko diru-sarreren % 30, betiere hileko gutxienekoa berrehun (200) euro direla; aipatu lau seme horien bakoitzarentzako 50 euro hilean. Zenbateko hori aurreratuta sartu beharko du amak adierazitako kontu batean, hilabete bakoitzaren lehenengo bost egunen barruan. Urtero eguneratu beharko da hileko gutxieneko zenbatekoa, betiere Estatistikako Institutu Nazionalak argitaratutako Kontsumo Prezioen Indizean izandako aldakuntzarekin bat etorriz.
4.– XXXXX, XXXXX, XXXXX eta XXXXX seme-alaben izaten dituzten ezohiko gastuak gurasoek ordainduko dituzte, erdibana.
Epaia irmoa delarik, ezkontzako ondasunei dagokienez ezkontzako erregimen ekonomikoa deseginda geratuko da.
Jakinaraz bekie ebazpen hau dagokien erregistro zibilei, erregistro-ondorioetarako.
Ez da kosturik ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Bilbon (Bizkaia), bi mila eta hamabosteko otsailaren bian.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Bilbao (Bizkaia), 2015eko otsailaren 2a.
IDAZKARI JUDIZIALA.
