35. zk., 2015eko otsailaren 20a, ostirala
- Bestelako formatuak:
- PDF (197 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 6 ZENBAKIKO EPAITEGIA
867
EDIKTUA, guraso-ahala kentzeari buruzko 935/2012 prozedura arruntaren ondoriozkoa.
Bilboko Lehen Auzialdiko 6 zenbakiko Epaitegia (Familia).
Judizioa: 935/2012 prozedura arrunta.
Alderdi demandatzailea: Bizkaiko Foru Aldundia.
Alderdi demandatua: Antonio Santamaria Redondo eta Angeles Ugarte Perez.
Auzigaia: guraso-ahala kentzea-arrunta.
Judizio horretan ebazpena eman da, eta honela dio hitzez hitz:
45/2015 EPAIA
Epailea: Isabel Elexpuru Eguia andrea.
Lekua: Bilbao (Bizkaia).
Eguna: bi mila eta hamabosteko urtarrilaren hogeita seia.
Alderdi demandatzailea: Bizkaiko Foru Aldundia.
Abokatua: M.ª Ángeles Aransay Arroyo.
Prokuradorea: Monica Durango Garcia.
Alderdi demandatua: Antonio Santamaria Redondo eta Angeles Ugarte Perez.
Alderdi parte-hartzailea: Fiskaltza.
Gaia: guraso-ahal kentzea.
EPAITZA
Osorik baiesten dut Mónica Durango García prokuradoreak Bizkaiko Foru Aldundiaren izenean eta ordez guraso-ahala kentzeari buruz aurkeztutako demanda, María Angeles Ugarte Perez eta Antonio Santamaría Redondoren aurkakoa. Horrenbestez, XXXXX alaba adingabearen gaineko guraso-ahala erabat kentzen diet Antonio Santamaria Redondo eta María Angeles Ugarte Perezi, eta ez diot kosturik inori ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta zein diren apelatutako ebazpena eta aurkaratutako erabakiak (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratuak berak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Bilbon, bi mila eta hamabosteko urtarrilaren hogeita seian.
Alderdi demandatuaren gaur egungo helbidea edo bizilekua ezezaguna denez, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Bilbao (Bizkaia), 2015eko urtarrilaren 27a.
IDAZKARI JUDIZIALA.