Euskal Herriko Agintaritzaren Aldizkaria

13. zk., 2015eko urtarrilaren 21a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA

292

EDIKTUA, diru-zenbateko bat erreklamatzeko bideratutako 7/2014 prozedura arruntaren ondoriozkoa.

JAKINARAZPEN-ZEDULA

Durangoko (Bizkaia) Lehen Auzialdiko 1 zenbakiko Epaitegian, 7/2014 prozedura arrunta bideratu da, Maria Del Rosario Vega Ortizek eskatuta, All Sotera Iron, S.L.ren aurka, diru-zenbateko bat erreklamatzeko. Prozedura horren gainean epaia eman da. Hona hemen idazpurua eta epaitza:

189/2014 EPAIA

Epailea: Leticia Badiola Perez andrea.

Lekua: Durango (Bizkaia).

Eguna: bi mila eta hamalauko abenduaren hogeita bia.

Alderdi demandatzailea: Maria del Rosario Vega Ortiz.

Abokatua: Gentzane Carrion Gomez.

Prokuradorea: Ana Maria Idocin Ros.

Alderdi demandatua: All Sotera Iron, S.L.

Abokatua.

Prokuradorea.

Judizioaren gaia: zenbateko bat erreklamatzea.

EPAITZA

Osorik baiesten da Idocin prokuradoreak –Maria Del Rosario Vega Ortizen ordez eta haren izenean– All Sotera Iron, S.L.ren aurka aurkeztutako demanda; horren ondorioz, demandatzaileari zigorra ezartzen zaio, demandatuari kopuru hauek ordaintzekoa, alegia:

Hogeita hiru mila berrehun eta berrogeita hamar (23.250) euro, alderdi demandatzaileak halako egunean eman zuen errenta-fidantzaren kontzeptuan; eta ehun eta hamalau euro eta hogeita hamabi zentimo (114,32), gehi demanda aurkezten denean dagoen lege-tasaren araberako interesak, zeini ehuneko bi puntu gaineratuko baizaizkie, ebazpen honen egunetik aurrera.

Prozesuaren kostuak.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko kontuan (4760 0000 0007 14). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut. Eta All Sotera Iron, S.L. demandatuari behar bezalako jakinarazpena egiteko balio dezan ematen eta sinatzen dut ediktu hau, Durangon (Bizkaia), bi mila eta hamalauko abenduaren hogeitabian.

IDAZKARIA.

Azterketa dokumentala