Euskal Herriko Agintaritzaren Aldizkaria

3. zk., 2015eko urtarrilaren 7a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

50

EDIKTUA, ezkontzaz kanpoko seme-alabentzako neurrietarako 264/2014 prozeduraren ondoriozkoa.

JAKINARAZPEN-ZEDULA

Bilboko Lehen Auzialdiko 6 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 264/2014 prozedura bideratu da, Norma Calderon Guzman-ek eskatuta, Humberto Arebalo Crespo-ren aurka. Guraso eta seme-alaben arteko neurriei buruzko prozedura horren gainean, epaia eman da. Hona hemen idazpurua eta epaitza, kopiatuta:

625/2014 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamalauko abenduaren bederatzia.

Alderdi demandatzailea: Norma Calderon Guzman.

Abokatua: Jose Maria Ibarra Fontan.

Prokuradorea: Saioa Pradas de Pablos.

Alderdi demandatua: Humberto Arebalo Crespo.

Alderdi parte-hartzailea: Fiskaltza.

Judizioko gaia: seme adingabearekiko neurri ekonomikoak eta pertsonalak hartzea.

EPAITZA

Baietsi egiten dut partez Pradas de Pablos prokuradoreak, Norma Calderon Guzman-en izenean eta ordez aurkeztutako demanda, seme adingabearentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den Humberto Arevalo Crespo aitaren aurka; eta Fiskaltza parte delarik, XXXXX adingabeari dagokionez (2000ko azaroaren 19an jaioa), honako neurri pertsonal eta mantenu-neurri hauek hartzea erabaki dut:

1.– XXXXX adingabearen zaintza eta jagoletza Norma Calderon Guzman amari ematen zaizkio, baita guraso-ahala esklusiboki baliatzea ere.

2.– XXXXX semearen aldeko mantenu-pentsio gisa, Humberto Arevalo Crespo-k hilero 100 euro ordainduko ditu, hil bakoitzeko lehen bost egunetan, adingabearen amak horretarako zehaztutako banku-kontuan. Zenbateko hori urtero eguneratuko da, Estatistika Institutu Nazionalak argitaratutako Kontsumo Prezioen Indizearen aldaketen arabera.

3.– Bien semeak (XXXXX) izan ditzakeen ezohiko gastuak bi gurasoek ordainduko dituzte, erdibana.

4.– Humberto Arevalo Crespo-ren eta XXXXX bere seme adingabearen artean ez da bisita- eta komunikazio-erregimenik ezartzen.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Humberto Arebalo Crespo demandatuari behar bezala jakinarazteko egin dut ediktu hau, Bilbon (Bizkaia), bi mila eta hamalauko abenduaren hamarrean.

IDAZKARIA.

Azterketa dokumentala