Euskal Herriko Agintaritzaren Aldizkaria

238. zk., 2014ko abenduaren 15a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 4 ZENBAKIKO EPAITEGIA

5338

EDIKTUA, adostasunik gabeko dibortzioari buruz bideratutako 178/2013 prozeduraren ondoriozkoa.

Getxoko Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.

Judizioa: 178/2013 adostasunik gabeko dibortzioa.

Alderdi demandatzailea: Ivonne Beatriz Gonzalez Salas.

Alderdi demandatua: Rafael Alfredo Garcia Paredes.

Gaia: adostasunik gabeko dibortzioa.

Aipatutako judizioan, ebazpena eman da; hona hemen testua hitzez hitz:

95/2014 EPAIA

Epailea: Santos Puga Gomez.

Lekua: Getxo (Bizkaia).

Eguna: bi mila eta hamalauko urriaren bederatzia.

Alderdi demandatzailea: Ivonne Beatriz Gonzalez Salas.

Abokatua: Itziar Olarte.

Prokuradorea: Jaime Corral Basterra.

Alderdi demandatua: Rafael Alfredo Garcia Paredes.

Abokatua.

Prokuradorea.

Judizioaren gaia: Ivonne Beatriz Gonzalez Salas-ek eta Rafael Alfredo Garcia Paredes-ek osatutako ezkontzaren dibortzioa deklaratzea.

EPAITZA

1.– Ivonne Beatriz Gonzalez Salas-ek eta Rafael Alfredo Garcia Paredes-ek osatutako ezkontzaren dibortzia agintzen da.

2.– Honako neurri hauek hartzea erabakitzen da, eta lehenago hartutako neurrien ordez aplikatuko dira:

1) Elkarri emandako ahalak eta baimenak errebokatzea.

2) Guraso-ahala partekatua.

3) Amari izendatu zaio alaba adingabekoen zaintza eta jagoletza.

4) Mantenu-pentsio gisa bere diru-sarrera garbien % 20 ordaindu beharko du aitak, hiru alabetarik bakoitzarentzako 50 eurokoa delarik zenbatekoa txikiena; ordainketa hori hilabete bakoitzeko lehen bost egunen barruan egin beharko da, hartarako izendatzen den kontu-zenbakian; KPIren arabera errebalorizatuko da zenbateko hori.

5) Ezohiko gastuak guraso biek ordainduko dituzte, erdibana.

6) Alaben adina kontuan izanik, aita eta alaben arteko komunikazio– eta bisita-erregimena, euren finkatuko dute libreki.

7) Dagokion erregistroa zibilera igorriko da epaia, ezkontza-inskripzioaren orri-bazterrean dibortzioari buruzko oharra jartzeko.

Prozesuko kostuak alderdi demandatuari ezartzen zaizkio.

Epaia irmoa delarik, ezkontzako ondasunei dagokienez ezkontzako erregimen ekonomikoa deseginda geratuko da.

Jakinaraz bekie ebazpen hau dagokien erregistro zibilei, erregistro-ondorioetarako.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4791. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen epaile berak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Getxon (Bizkaia), bi mila eta hamalauko urriaren bederatzian.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Getxo (Bizkaia), 2014ko azaroaren 17a.

IDAZKARI JUDIZIALA.

Azterketa dokumentala