Euskal Herriko Agintaritzaren Aldizkaria

235. zk., 2014ko abenduaren 10a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

HERRI ADMINISTRAZIO ETA JUSTIZIA SAILA

5270

EBAZPENA, 2014ko abenduaren 2koa, Herri Arduralaritzaren Euskal Erakundeko zuzendariarena, 498/2014 prozedura arruntari buruzko administrazio-espedientea bidaltzea xedatu eta interesaturik egon daitezkeenak epatzen dituena.

498/2014 administrazioarekiko auzi-errekurtsoari dagokion espedientea –prozedura arrunta– bidaltzeko eskatu du Euskal Autonomia Erkidegoko Justizia Auzitegi Nagusiko Administrazioarekiko Auzien Salak. Auzi-errekurtsoa 2014ko maiatzaren 5ean Herri Administrazio eta Justiziako sailburuak emandako aginduaren aurka jarri da. Aurkaturiko aginduak ondoko errekurtsoak ezesten zituen:

2014ko apirilaren 9an, Herri Arduralaritzaren Euskal Erakundeko zuzendariak emandako ebazpenaren aurka jarritako gora jotzeko errekurtsoa. Ebazpenak, Toki administrazioko funtzionarioen eskalako kontuhartzailetza-diruzaintza azpieskalan, sarrerako kategorian sartzeko hautaketa-prozesuaren baitan, hautaketa-prozesua gainditu duten pertsonen behin betiko zerrenda aditzera ematen zuen (2008ko lan-eskaintza publikoa). 2014ko apirilaren 14an Herri Administrazio eta Justiziako sailburuak emandako aginduaren aurka jarritako berraztertzeko errekurtsoa. Aginduak praktiketako funtzionarioak izendatzen zituen toki administrazioko funtzionarioen eskalako kontuhartzailetza-diruzaintza azpieskalan, sarrerako kategorian sartzeko hautaketa-prozesuan (2008ko lan-eskaintza publikoa).

Administrazioarekiko auzien jurisdikzioa arautzen duen Legearen 49.1 artikuluan ezarritakoarekin bat, uztailaren 13ko 29/1998 Legeak xedatuta, hauxe

EBAZTEN DUT:

Lehenengoa.– Euskal Autonomia Erkidegoko Justizia Auzitegi Nagusiko Administrazioarekiko Auzien Salak eskatutako administrazio-espedientea bidaltzea.

Bigarrena.– Aipatutako espedientean interesen bat izan dezaketenak epatzea, bederatzi eguneko epean ager daitezen Euskal Autonomia Erkidegoko Justizia Auzitegi Nagusiko Administrazioarekiko Auzien Salara, 498/2014 prozedura arruntean alderdi modura aurkezteko aukera izan dezaten.

Hirugarrena.– Ebazpen hau Euskal Herriko Agintaritzaren Aldizkarian eta Herri Arduralaritzaren Euskal Erakundearen iragarki tauletan argitaratzeko agintzea.

Vitoria-Gasteiz, 2014ko abenduaren 2a.

Herri Arduralaritzaren Euskal Erakundeko zuzendaria,

MARÍA TERESA IRURETAGOYENA IBARGUREN.

Azterketa dokumentala