RSS
183. zk., 2014ko irailaren 26a, ostirala
- Bestelako formatuak:
- PDF (280 KB - 10 orri.)
- EPUB (468 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HERRI ADMINISTRAZIO ETA JUSTIZIA SAILA
3982
EBAZPENA, 2014ko irailaren 1ekoa, Justizia Administrazioko zuzendariarena, Euskal Autonomia Erkidegoko udalei bake-epaitegien funtzionamendu-gastuetarako diru-laguntzak emateko dena.
Herri Administrazio eta Justiziako sailburuaren 2014ko uztailaren 15eko Agindua, udalei bake-epaitegien 2014ko ekitaldiko funtzionamendu-gastuetarako diru-laguntzak ematekoa, 2014ko abuztuaren 11ko Euskal Herriko Agintaritzaren Aldizkarian argitaratu zen. Bada, agindu horren 1. artikuluan xedatzen denez, bake-epaitegia duten udalerrietako udalei diru-laguntza emango zaie epaitegi horien funtzionamendu-gastuei aurre egiteko.
5. artikuluaren 1. paragrafoan xedatutakoaren arabera, Justizia Administrazioko zuzendariak ebatziko du, ofizioz, funtzionamendu-gastuetarako diru-laguntzak ematea, hilabeteko epean, agindua argitaratzen den egunetik hasita.
Hori guztia kontuan izanik, honako hau
EBAZTEN DUT:
Lehenengoa.– Eranskinean zehazten diren udalei diru-laguntzak ematea, bake-epaitegien funtzionamendu-gastuei aurre egiteko. Diru-laguntzen zenbatekoak eranskinean jasota daude.
Bigarrena.– Ebazpen honek ez dio amaiera ematen administrazio-bideari, eta, beraren aurka, udal interesdunek gora jotzeko errekurtsoa jarri ahalko diote Justiziako sailburuordeari, hilabeteko epean, ebazpen hau Euskal Herriko Agintaritzaren Aldizkarian argitaratu eta hurrengo egunetik aurrera.
Vitoria-Gasteiz, 2014ko irailaren 1a.
Justizia Administrazioko zuzendaria,
JON ARTURO URIARTE UNZALU.
