Euskal Herriko Agintaritzaren Aldizkaria

179. zk., 2014ko irailaren 22a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

HEZKUNTZA, HIZKUNTZA POLITIKA ETA KULTURA SAILA

3925

EBAZPENA, 2014ko abuztuaren 28koa, Hezkuntza, Hizkuntza Politika eta Kultura Saileko Langileak Kudeatzeko zuzendariarena, zeinaren bidez aldatzen baitira Hezkuntza, Unibertsitate eta Ikerketa Sailaren Langileria Kudeatzeko zuzendariaren 2012ko abuztuaren 2ko Ebazpena, eta zuzendari beraren 2012ko abuztuaren 6ko Ebazpena, María Luisa Vega Azcoaga andreak aurkeztutako 214/2013 zk.ko administrazioarekiko auzi-errekurtsoan Euskal Autonomia Erkidegoko Auzitegi Nagusiko Administrazioarekiko Auzietarako Salak 2014ko uztailaren 16an emandako Epaia betez.

Euskal Autonomia Erkidegoko Auzitegi Nagusiko Administrazioarekiko Auzietarako Salak, 2014ko uztailaren 16ko Epaiaren bidez, partzialki baietsi du María Luisa Vega Azcoaga andreak aurkeztu 214/2013 zk.ko administrazioarekiko auzi-errekurtsoa, Eusko Jaurlaritzaren Hezkuntza, Hizkuntza Politika eta Kulturako sailburuaren 2013ko martxoaren 12ko Aginduaren kontra (agindu horren bidez, Hezkuntza, Unibertsitate eta Ikerketa Sailaren Langileak Kudeatzeko zuzendariaren 2012ko abuztuaren 6ko Ebazpenaren (2012ko abuztuaren 8an EHAAn argitaratuta) jarritako gorako errekurtsoa atzera bota zen, 2012ko otsailaren 10eko Aginduaren bidez (2012ko otsailaren 15ean EHAAn argitaratuta) deitutako hautaketa-prozeduran, besteak beste, Bigarren Hezkuntzako kidegoko Biologia eta Geologia espezialitatean, txanda librean, hautatutako izangaien behin betiko zerrendak argitara eman zituenaren kontra). Epaiak, errekurritutako ebazpenak partzialki baliogabetu ditu; ondorioz, bertan behera utzi ditu, eta 0,250 puntu gehiago baloratzeko soilik lehiaketa-aldiko meritu atala, alegatutako tituluko Prestakuntza akademikoa, Espediente akademikoa atalean, hau da, II.1 atala. Horren ondorioz, Administrazioak emandako puntua izan beharrean, 1,250 puntu izango ditu, horrek izan ditzakeen ondorioekin.

Hezkuntza, Hizkuntza Politika eta Kulturako sailburuaren 2014ko abuztuaren 25eko Aginduaren bidez, aipatutako epaia haren baldintzetan bete behar dela erabakitzen da.

María Luisa Vega Azcoaga andreak 2012ko otsailaren 10eko Aginduaren bidez deitutako hautaketa-prozeduran parte hartu zuen, eta hautatuta izan zen, Bigarren Hezkuntzako Irakasleen Kidegoko Biologia eta Geologia espezialitatean eta txanda librean; 6,7900 guztizko puntuazioa lortu zuen.

Aipatutako Epaia betez, María Luisa Vega Azcoaga andreari 1,250 puntu baloratuko zaio II.1 atala, alegatutako tituluko Prestakuntza akademikoa, espediente akademikoari dagokiona, lehiaketa-aldian, eta 8,2500 guztizko puntuazioa aipatutako aldian. Puntuazio horri oposizio-aldian lortu duena, 6,1850 puntukoa, eta dagokion ponderazioa egin ondoren, aipatutako hautaketa-prozesuan María Luisa Vega Azcoaga andrearen guztizko puntuazioa 6,8733koa da.

Horren ondorioz, irakasleen kidegoetara sartzeko Hezkuntza, Unibertsitate eta Ikerketako sailburuaren 2012ko otsailaren 10eko Aginduaren bidez deitutako hautaketa-prozedurak gainditu zituzten izangaien zerrendan gorago geratuko da, Euskal Autonomia Erkidegoko Bigarren Hezkuntzako kidegoko Biologia eta Geologia espezialitatean, txanda librea.

Horregatik, aipatutako 2014ko uztailaren 16ko Epaian xedatutakoa betez, honako hau

EBAZTEN DUT:

Lehenengoa.– Aldatzea Hezkuntza, Unibertsitate eta Ikerketa Sailaren Langileria Kudeatzeko zuzendariaren 2012ko abuztuaren 2ko Ebazpena, zuzendari beraren 2012ko uztailaren 23ko Ebazpena aldatu eta akatsak zuzendu zituena, 2012ko otsailaren 10eko Aginduaren bidez deitutako hautaketa-prozeduraren lehiaketa-aldian izangaiek lortutako behin betiko puntuazioak, Langileriaren Kudeaketarako Zuzendaritzaren Unitateek baloratutako merituak barematu ostean, eta aldi horretako puntuazio totalak argitara eman zituena. Horiek horrela, María Luisa Vega Azcoaga andreak 1,250 puntu izango ditu II.1 atalean, alegatutako tituluko Prestakuntza akademikoa, Espediente akademikoari dagokiona, lehiaketa-aldian, eta 8,2500 guztizko puntuazioa aipatutako aldian.

Bigarrena.– Aldatzea Langileria Kudeatzeko zuzendariaren 2012ko abuztuaren 6ko Ebazpena, Hezkuntza, Unibertsitate eta Ikerketako sailburuaren 2012ko otsailaren 10eko Aginduaren bidez deitutako hautaketa-prozeduran hautatutako behin betiko zerrendak argitara eman zituena. Aldaketa horren ondorioz, María Luisa Vega Azcoaga andreak, Bigarren Hezkuntzako Irakasleen Kidegoko Biologia eta Geologia espezialitatean hautatua izan zena, txanda librean, 2. hizkuntza-eskakizunarekin, 6,8733 puntu izango ditu.

Hirugarrena.– Euskal Autonomia Erkidegoko Justizia Auzitegi Nagusiko Administrazioarekiko Auzietarako Salak du epaia gauzatzeko tramiteetan gerta daitekeen edozein gai ebazteko eskuduntza, Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan xedatutakoaren arabera.

Vitoria-Gasteiz, 2014ko abuztuaren 28a.

Langileriaren Kudeaketako zuzendaria,

KONRADO MUGERTZA URKIDI.

Azterketa dokumentala