Euskal Herriko Agintaritzaren Aldizkaria

133. zk., 2014ko uztailaren 15a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GENIKA-LUMOKO LEHEN AUZIALDIKO ETA INSTRUKZIOKO 4 ZENBAKIKO EPAITEGIA

3246

EDIKTUA, ezkontzaz kanpoko seme-alabentzako neurrien gainean bideratutako 290/13 prozeduraren ondoriozkoa.

Gernikako Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.

Judizioa: ezkontzaz kanpoko seme alabentzako neurriak. 290/13.

Demandatzailea: Katyhi Diane Mejia Lozano.

Abokatua: Clara Isabel Rivas Suarez.

Prokuradorea: D’Acquisto.

Demandatua: Jesus de la Caridad Cedeño Rosales.

Ezkontzaz kanpoko seme-alabentzako neurriak.

«37/14 EPAIA

Gernika-Lumo, bi mila eta hamalauko apirilaren hamalaua.

Silvia González Golfek, Gernika-Lumoko Lehen Auzialdiko eta Instrukzioko 4. zenbakiko Epaitegiko eta haren barruti judizialeko epaile denak, ikusi ditu epaitegi honetan ezkontzaz kanpoko semearentzako behin betiko neurrien gainean bideratutako 290/13 prozeduraren autoak. Alderdi demandatzailea Kathi Diane Mejía Lozano andrea izan da, D’Acquisto Toña prokuradoreak ordezkatuta eta Clara Isabel Rivas Suárez abokatuak lagunduta. Auzi-ihesean den Jesús de la Caridad Cedeño Rosales izan da alderdi demandatua. Ministerio Fiskalak parte hartu du.

Judizio horretan, epaia eman zen 2014-04-14an, eta honako hau da haren epaitza:

EPAITZA

Zati batean baiesten dut D´Acquisto Toña epaitegietako prokuradoreak, Kathi Diane Mejía Lozano andrearen izenean eta ordez jarritako demanda, Jesús de la Caridad Cedeño Rosales-en aurka, eta, horrenbestez, honako neurri hauek hartzea erabaki dut XXXXX adingabekoari dagokionez:

– Kathi Diane Mejía Lozano amari esleitzen dizkiot adingabearen zaintza eta jagoletza; guraso-ahala, berriz, bi gurasoena izango da. Ez dut ezartzen bisita- eta komunikazio-erregimen espezifikorik, eta amaren etxea izango da adingabearen egoitza.

Jesús de la Caridad Cedeño Rosales aita agertzen bada, berarekin eduki ahalko du adingabea bi orduz, betiere amari aurretik eta garaiz jakinarazten badio.

– Jesús de la Caridad Cedeño Rosales jaunak, berak hilero kobratzen duenaren % 30 emango beharko du XXXXX semearen elikagai-gastuak ordaintzeko, edozein kasutan ere gutxienez 200 euro hilean. Zenbateko hori hil bakoitzeko lehenengo bost egunen barruan sartu beharko du demandatuak, ebazpen honen egunetik aurrera; beraz, lehen ordainketa 2014ko maiatzean izango da, eta Kathi Diane Mejía Lozano andreak horretarako izendatutako bankuko kontuan sartu beharko du dirua demandatuak. Zenbateko hori KPIren arabera eguneratu beharko da urtero; lehenengo eguneratzea 2015eko urtarrilarren 1ean izango da.

Ezohiko gastuak bi gurasoek ordainduko dituzte, erdibana; bien artean adostutako ezusteko gastuak eta gastu beharrezkoak izango dira gastu horiek.

Jakinaraz bekie ebazpen hau alderdiei, legeak agindu bezala; jakitera emanez ezen, epaiaren aurka, demandatuak apelazio-errekurtsoa aurkez dezakeela Bizkaiko Probintzia Auzitegian. Epaitegi honetan aurkeztuko da errekurtsoa, hogei eguneko epean, jakinarazpena egiten den egunaren biharamunetik aurrera.

Ebazpen honen lekukotza sar bedi autoetan, eta jatorrizkoa epaitegiko epaien liburuan.

Eta epai honen bidez, lehen auzialdian epaituz, erabaki, agindu eta sinatzen dut. Demandatua auzi-ihesean denez, PZLaren 497. artikuluan xedatutako eran egingo zaio jakinarazpena.

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (4863 0000 00 029013) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Berrikuspena). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut».

Jesus de la Caridad Cedeño Rosales demandatuaren gaur egungo helbidea ezezaguna denez gero, Prozedura Zibilari buruzko 1/2000 Legearen (PZLb) 497.2 artikuluan xedatutakoarekin bat, aipatu ebazpena epaitegiko iragarkien oholean ediktu batez jakinaraztea erabaki da.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Gernika-Lumo (Bizkaia), 2014ko apirilaren 30a.

IDAZKARI JUDIZIALA.

Azterketa dokumentala