Euskal Herriko Agintaritzaren Aldizkaria

133. zk., 2014ko uztailaren 15a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

3243

EDIKTUA, ezkontzaz kanpoko seme-alabentzako neurrien gainean bideratutako 833/13 prozedura arruntaren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (833/13).

Alderdi demandatzailea: Maria Francisca Coronel Galeano.

Alderdi demandatua: Jose Asuncion Benitez Fernandez.

Gaia: ezkontzaz kanpoko seme-alabentzako neurriak.

Judizio horretan, ebazpena eman da, eta honela dio hitzez hitz:

317/14 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamalauko ekainaren hogeita hirua.

Alderdi demandatzailea: Maria Francisca Coronel Galeano.

Abokatua: Noemi Prieto Garcia.

Prokuradorea: Ricardo Bravo Blazquez.

Alderdi demandatua: Jose Asuncion Benitez Fernandez.

Parte-hartzailea: Fiskaltza.

Auzigaia: seme adingabearekiko neurri ekonomikoak eta pertsonalak hartzea.

EPAITZA

Partez baiesten dut Bravo Blazquez prokuradoreak, Maria Francisca Coronel Galeanoren izenean eta ordez, seme-alaba adingabeentzako neurri pertsonalak eta mantenu-neurriak hartzeko eskatuz aurkeztutako demanda, auzi-ihesean den Jose Asunción Benitez Fernández aitaren aurka; eta Fiskaltza parte delarik. Beraz, XXXXX eta XXXXX adingabekoei dagokienez –1997ko uztailaren 15ean eta 2001eko otsailaren 6an jaioak hurrenez hurren–, honako neurri pertsonal eta mantenu-neurri hauek hartzen ditut:

1.– XXXXX eta XXXXX adingabeen zaintza eta jagoletza Maria Francisca Coronel Galeano amari ematen dizkiot, eta amari bakarrik ematen diot, halaber, adingabeen gaineko guraso-ahala.

2.– Jose Asunción Benitez Fernándezek, XXXXX eta XXXXX seme-alabentzako mantenu-pentsio gisa, edozein kontzeptugatik jasotako hileko sarrera garbien ehuneko hogeita hamar ordainduko du, eta gutxienez 150 euro seme-alaba bakoitzeko, hau da, 300 euro hilero, biengatik. Maria Francisca Coronel Galeano andreak horretarako zehazten duen bankuko kontuan sartuko du pentsioaren zenbatekoa, hileko lehenengo bost egunen barruan. Urtero eguneratu beharko da mantenu-pentsio gisa ezarritako hileko gutxieneko zenbatekoa, ekainean, betiere Estatistikako Institutu Nazionalak argitaratutako Kontsumo Prezioen Indizeak duen aldakuntzarekin bat etorriz.

3.– Bien seme-alabak izaten dituzten ezohiko gastuak, bi gurasoek ordainduko dituzte, erdibana, epai honen bigarren zuzenbideko oinarrian ezohiko gastuei buruz ezarritakoa aintzat hartuta.

4.– Ez da bisita-, komunikazio- eta egonaldi-erregimenik ezartzen seme-alaba adingabeen eta haien aitaren artean.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut».

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Bilbon (Bizkaia), bi mila eta hamalauko ekainaren hogeita hiruan.

Demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau epaitegi honetako iragarki-oholean eta Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2014ko ekainaren 24a.

IDAZKARI JUDIZIALA.

Azterketa dokumentala