Euskal Herriko Agintaritzaren Aldizkaria

132. zk., 2014ko uztailaren 14a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

3212

EDIKTUA, ezkontzaz kanpoko seme-alabentzako neurrien gainean bideratutako 1019/13 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (1019/13).

Demandatzailea: Jessica Alexandra Quezada Patiño.

Abokatua: Juan Infante Escudero.

Prokuradorea: Castro.

Demandatua: Wilmer Bustamante Serna.

Gaia: ezkontzaz kanpoko seme-alabentzako neurriak.

Judizio horretan, epaia eman da 2014-06-23an. Hona hemen:

318/14 EPAIA

Epailea: Isabel Elexpuru Eguia andrea.

Lekua: Bilbao (Bizkaia).

Eguna: bi mila eta hamalauko ekainaren hogeita hirua.

Alderdi demandatzailea: Jessica Alexandra Quezada Patiño.

Abokatua: Juan Infante Escudero.

Prokuradorea: Maria Dolores Castro Guzman.

Alderdi demandatua: Wilmer Bustamante Serna.

Parte-hartzailea: Fiskaltza.

Auzigaia: seme adingabearekiko neurri ekonomikoak eta pertsonalak hartzea.

EPAITZA

Baietsi egiten dut partez Castro Guzman prokuradoreak Jessica Alexandra Quezada Patiñoren izenean eta ordez aurkeztutako demanda, seme adingabearentzako neurri pertsonalak eta mantenu-neurriak hartzeko eskatuz aurkeztutakoa, auzi-ihesean den Wilmer Bustamante Serna aitaren aurka; eta Fiskaltza parte delarik, XXXXX adingabekoari dagokionez (2010eko abuztuaren 11n jaioa), honako neurri pertsonal eta mantenu-neurri hauek hartzea erabaki dut:

1.– Adingabearen zaintza eta jagoletza Jessica Alexandra Quezada Patiño amari esleitzen zaizkio, eta guraso-ahala, berriz, guraso biek partekatuko dute.

2.– Wilmer Bustamante Sernak, XXXXX alabarentzako mantenu-pentsio gisa, edozein kontzepturengatik jasotako hileroko sarrera garbien ehuneko hogei ordainduko du, eta gutxienez 150 euro, betiere. Zenbateko hori, hileko lehenengo bost egunetan sartuko du, aurreratuta, Jessica Alexandra Quezada Patiñok horretarako zehazten duen bankuko kontuan. Urtero eguneratu beharko da hileko gutxieneko zenbatekoa, betiere Estatistikako Institutu Nazionalak argitaratutako Kontsumo Prezioen Indizean izandako aldakuntzarekin bat etorriz.

3.– Alabaren ez-ohiko gastuak, halakorik bada, aitak eta amak ordainduko dituzte, erdibana, epai honen zuzenbideko bigarren oinarrian halako gastuei buruz xedatutakoa aintzat hartuta.

4.– Bisita-erregimen hau ezartzen da Wilmer Bustamante Serna aitaren eta XXXXX adingabeko alabaren artean, betiere bi gurasoek unean-unean akordio hoberik lortzen ez badute adingabearen ongizatea aintzat hartuta:

Bi asteburutik behin: ostiralean, ikastetxetik atera ondoren jasoko du aitak, eta harekin egongo da igandeko 19:00ak arte. Aitak eramango du bueltan, amaren etxebizitzara.

Aste santuko, udako eta Gabonetako opor-egunen erdiak; amak hautatuko ditu egun horiek urte bikoitietan, eta aitak bakoitietan. Beste gurasoari hilabete lehenago jakinarazi beharko zaio hautatutakoaren berri.

Adingabearen eta une horretan harekin ez dagoen gurasoaren arteko gutun, telefono edo baliabide telematiko bidezko komunikazioetan eskolako eta eskolaz kanpoko eguneroko jarduerak errespetatu beharko dira, eta, hortaz, eskubide hori baliatzean, fede onez jokatu beharko da.

Bi gurasoetako edozeinek, adingabearekin Espainiatik kanpora joateko asmoa badu, gutxienez hilabete lehenago eman beharko dio horren berri beste gurasoari, eta jakinarazi beharko dio, halaber, adingabeak atzerrian zein helbide eta telefono-zenbakia izango duen.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aukaratutako erabakiak zein diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Wilmer Bustamante Serna demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian eta epaitegi honetako iragarki-oholean argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2014ko ekainaren 24a.

IDAZKARI JUDIZIALA.

Azterketa dokumentala