Euskal Herriko Agintaritzaren Aldizkaria

128. zk., 2014ko uztailaren 8a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Izendapenak, egoerak eta gorabeherak

HEZKUNTZA, HIZKUNTZA POLITIKA ETA KULTURA SAILA

3076

EBAZPENA, 2014ko ekainaren 26koa, Hezkuntza, Hizkuntza Politika eta Kultura Saileko Langileriaren Kudeaketako zuzendariarena, zeinaren bidez aldatzen baitira Hezkuntza, Unibertsitate eta Ikerketa Sailaren Langileria Kudeatzeko zuzendariaren 2012ko abuztuaren 2ko Ebazpena, eta zuzendari beraren 2012ko abuztuaren 6ko Ebazpena, 295/2013 administrazioarekiko María Teresa González Gallo andreak jarritako auzi-errekurtsoan Euskal Autonomia Erkidegoko Auzitegi Nagusiko Administrazioarekiko Auzietarako Salak 2014ko maiatzaren 28an emandako Epaia betez.

Euskal Autonomia Erkidegoko Auzitegi Nagusiko Administrazioarekiko Auzietarako Salak, 2014ko maiatzaren 28ko Epaiaren bidez, aintzat hartu du María Teresa González Gallo andreak jarri duen 295/2013 administrazioarekiko auzi-errekurtsoa, Eusko Jaurlaritzaren Hezkuntza, Hizkuntza Politika eta Kultura Sailaren 2013ko martxoaren 14ko Aginduaren kontra (agindu horren bidez, 2012ko abuztuaren 6ko Ebazpenaren kontra jarritako gorako errekurtsoa atzera bota zen, 2012ko otsailaren 10eko Aginduaren bidez (EHAA, 33. zk., 2012-02-15ekoa) deitutako Maisu-maistren, Lanbide Heziketako irakasle teknikoen, Bigarren Hezkuntzako irakasleen, Hizkuntza Eskola Ofizialeko irakasleen eta Musika eta Arte Eszenikoetako irakasleen kidegoetan sartzeko deitutako hautaketa-prozesuan hautatuak izan diren izangaien behin betiko zerrendak argitara eman ziren). Epaiak adierazten du errekurritutako egintza ez datorrela zuzenbidearekin ados, eta ondorioz, baliogabetu du. Era berean, epaiak ziurtatzen du errekurtso-egileak eskubidea duela «Certificate of Proficiency in English, Certificate Grade C» titulua II.4.b) atalean, baremoaren merituetan, 0,500 punturekin baloratzeko. Halaber, balorazio berria dela-eta, errekurtso-egileari plaza esleitu dadin, dagokion hurrenkeraren arabera.

Hezkuntza, Hizkuntza Politika eta Kulturako sailburuaren 2014ko ekainaren 20ko Aginduaren bidez, aipatutako epaia haren baldintzetan bete behar dela erabakitzen da.

Lehiaketa-aldiko baremoaren II.4.b) atala 0,500 punturekin baloratu ondoren, María Teresa González Gallo andreari 8,5000 guztizko puntuazioa dagokio aipatutako aldian. Puntuazio horri oposizio-aldian lortu duena, 6,1025 puntukoa, eta dagokion ponderazioa egin ondoren, aipatutako hautaketa-prozesuan María Teresa González Gallo andrearen guztizko puntuazioa 6,9017koa da.

Horren ondorioz, irakasleen kidegoetara sartzeko Hezkuntza, Unibertsitate eta Ikerketako sailburuaren 2012ko otsailaren 10eko Aginduaren bidez deitutako hautaketa-prozedurak gainditu zituzten izangaien zerrendan sartu behar zaio, Euskal Autonomia Erkidegoko Bigarren Hezkuntzako kidegoko Biologia eta Geologiako espezialitatean, txanda librea.

Horregatik, aipatutako 2014ko maiatzaren 28ko Epaian xedatutakoa betez, honako hau

EBAZTEN DUT:

Lehenengoa.– Aldatzea Hezkuntza, Unibertsitate eta Ikerketa Sailaren Langileria Kudeatzeko zuzendariaren 2012ko abuztuaren 2ko Ebazpena, zuzendari beraren 2012ko uztailaren 23ko Ebazpena aldatu eta akatsak zuzendu zituena, 2012ko otsailaren 10eko Aginduaren bidez deitutako hautaketa-prozeduraren lehiaketa-aldian izangaiek lortutako behin betiko puntuazioak, Langileriaren Kudeaketarako Zuzendaritzaren Unitateek baloratutako merituak barematu ostean, eta aldi horretako puntuazio totalak argitara eman zituena. Horiek horrela, María Teresa González Gallo andreak 0,500 puntu izango ditu lehiaketa-aldiko II.4.b) atalean, eta 8,5000 guztizko puntuazioa aipatutako aldian.

Bigarrena.– Aldatzea Langileria Kudeatzeko zuzendariaren 2012ko abuztuaren 6ko Ebazpena, Hezkuntza, Unibertsitate eta Ikerketako sailburuaren 2012ko otsailaren 10eko Aginduaren bidez deitutako hautaketa-prozeduran hautatutako behin betiko zerrendak argitara eman zituena. Aldaketa horren ondorioz, María Teresa González Gallo andreari Bigarren Hezkuntzako kidegoan hautatutako izangai gisa sartzen zaio, Biologia eta Geologiako espezialitatean, txanda librean, 2. hizkuntza-eskakizunarekin eta 6,9017 punturekin (puntuazio hori lortu da oposizio- eta lehiaketa-aldian lortutako puntuazioei dagozkien ponderazioa egin ondoren).

Hirugarrena.– Hogei egun naturaleko epe bat irekitzea, ebazpen hau Euskal Herriko Agintaritzaren Aldizkarian argitara eman eta hurrengo egunetik hasita, hautatutako izangaiak aurkez ditzan Hezkuntza, Unibertsitate eta Ikerketako sailburuaren 2012ko otsailaren 10eko Aginduaren 11.1 oinarrian zerrendatutako agiriak, Hezkuntzako edozein lurralde-ordezkaritzatan.

Adierazitako dokumentazioa ezarritako epean, eta ezinbesteko kasuetan izan ezik, agiririk aurkezten ez badu edo agirien azterketatik aipatutako aginduaren bigarren oinarrian adierazitako baldintzetariko baten jabe ez dela ondorioztatzen bada, karrerako funtzionario izendatua izateko eskubide guztiak galduko ditu, hasierako eskabidean faltsukeria egin izanagatik merezi dezaken erantzukizunaren kaltetan izan gabe.

Laugarrena.– Hezkuntza, Hizkuntza Politika eta Kultura Sailak praktiketako funtzionario izendatuko du María Teresa González Gallo andrea.

Lehiatzaile horrek esleitutako destinoan egin beharko ditu praktikak eta, agertzen ez bada, aukeratze-prozedurari uko egiten diola interpretatuko da.

Behar bezala justifikatutako arrazoiak, Langileak Kudeatzeko Zuzendaritzak kontuan hartu dituenak, direla-eta praktika-fasera ikasturte bat beranduago sartu behar duen horrek idatziz eskatu beharko du hogei egun naturaleko epean, ebazpen hau argitara eman eta hurrengo egunetik hasita. Eskaerarekin batera, ziurtagiriak ere aurkeztu beharko ditu.

Bosgarrena.– Euskal Autonomia Erkidegoko Justizia Auzitegi Nagusiko Administrazioarekiko Auzietarako Salak du epaia gauzatzeko tramiteetan gerta daitekeen edozein gai ebazteko eskuduntza, Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan xedatutakoaren arabera.

Vitoria-Gasteiz, 2014ko ekainaren 26a.

Langileriaren Kudeaketako zuzendaria,

KONRADO MUGERTZA URKIDI.

Azterketa dokumentala