Euskal Herriko Agintaritzaren Aldizkaria

112. zk., 2014ko ekainaren 16a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

2644

EDIKTUA, behin betiko neurriak aldatzeari buruzko 767/13 prozeduraren ondoriozkoa.

JAKINARAZPEN-ZEDULA

Aipatu prozeduran, epaia eman da. Hona hemen idazpurua eta xedapenak, hitzez hitz:

233/14 EPAIA

Epailea: Isabel Elexpuru Eguia andrea.

Lekua: Bilbao (Bizkaia).

Eguna: bi mila eta hamalauko maiatzaren hemeretzia.

Alderdi demandatzailea: Gorka Gartiz Alvarez.

Abokatua: Jose Maria Huerga Aldazabal.

Prokuradorea: Raquel Regidor Llamosas.

Alderdi demandatua: Yennifer Mercedes Garcia Nieto.

Parte hartzen duena: Ministerio Fiskala.

Judizioaren helburua: guraso eta seme-alaben arteko neurriei buruzko epaian ezarritako neurriak aldatzea.

EPAITZA

Partez baiesten dut Gorka Gartiz Alvarezek –Regidor Llamosas prokuradoreak ordezkatuta– aurkeztu duen demanda, auzi-ihesean den Yennifer Mercedes Garcia Nietoren aurkakoa. Horregatik, aldatu egiten ditut epaitegi honek 2012-10-14ko 456/2012 epaian ezarritako neurriak, guraso eta seme-alaben arteko neurriei buruzkoak (MHC 111/11 autoak).

1.– Aitari, Gorka Gartiz Alvarezi, esleitzen zaio XXXXX adingabearen zaintza eta jagoletza, eta berak baliatuko du osorik guraso-ahala.

2.– Ez da ezarri adingabearen eta amaren, hots, Yennifer Mercedes Garcia Nietoren arteko bisita-erregimenik.

Adingabearen eta amaren arteko komunikazioa (gutun, telefono zein bitarteko telematikoen bidezkoa) nahi bezain zabala izango da, betiere, eskolari eta eskolaz-kanpoko ekintzei dagozkien ohiturak eta adingabearen atseden-orduak errespetatuta.

3.– Yennifer Mercedes Garcia Nieto andreak, mantenu-pentsio gisa, hileko diru-sarrera guztien ehuneko hogei ordainduko du, eta gutxienez, ehun (100) euro. Mantenu-pentsioaren zenbatekoa hil bakoitzaren lehenengo bost egunetan ordainduko da, aurreratuta; jagoletza duen gurasoak, hots, Gorka Gartiz Alvarezek izendatzen duen kontu korrontean sartu behar da dirua. Gutxieneko zenbateko hori urtero eguneratuko da, Estatistikako Institutu Nazionalak argitaratzen duen kontsumoko prezioen indizearen arabera.

4.– XXXXX adingabeari dagokionez, debeku hauek ezartzen dira:

a) Pasaportea egiteko eta lehendik egindakoak kentzeko debekua.

b) Nazio-lurraldetik irtetea, baimen judizial bat izan gabe.

Bidali dagozkion aginduak Barne Ministerioari (Poliziaren Zuzendaritza Nagusia).

5.– Ez zaie alderdiei kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Yennifer Mercedes García Nieto non dagoen ez dakigunez, jakinarazpen-zedularen balioa izan dezan egin dut ediktu hau.

Bilbao (Bizkaia), 2014ko maiatzaren 20a.

IDAZKARIA.

Azterketa dokumentala