RSS
89. zk., 2014ko maiatzaren 14a, asteazkena
- Bestelako formatuak:
- PDF (226 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 9 ZENBAKIKO EPAITEGIA
2113
EDIKTUA, hartzekodunen konkurtsoaren kalifikazio-piezari buruz bideratutako 1321/10 prozeduraren ondoriozkoa.
JAKINARAZPEN-ZEDULA
Hartzekodunen konkurtsoaren kalifikazio-piezaren 1321/10 prozedura bideratu da Bilboko Lehen Auzialdiko 9 zenbakiko Epaitegian, Tegraf Ingenieria, S.L. sozietatearen aurka, Alcupla, S.A., Alestis Aerospace Sociedad Limitada y Automatización de Maquinaria Indus. y Aparatos de Control sozietateek eskatuta. Eta epaia eman da, zeinaren idazpurua eta epaitza honako hauek baitira, hitzez hitz:
72/14 EPAIA
Epailea: Maria Esther Gonzalez Rodríguez andrea.
Lekua: Bilbao (Bizkaia).
Eguna: bi mila eta hamalauko apirilaren hogeita bia.
Konkurtsoan dagoen entitatea: Tegraf Ingenieria, S.L., auzi-iheslaria.
Abokatua.
Prokuradorea.
Konkurtso-administratzaileak: Luis Angel Gorostiaga Butrón eta Jesús Verdes Lezana.
Abokatua: Jesús Verdes Lezana.
Kalifikazioak eragindakoak: Arturo Aguado Ruiz, auzi-iheslaria, Feliciano Coronel Franco eta Jesus Coronel Franco.
Abokatua: Pedro Learreta Olarra.
Prokuradorea. Luis Pablo Lopez Abadia Rodrigo.
Oven Martin Acedo.
Abokatua: Araceli Bustamante Herrero.
Prokuradorea: Ignacio Hijon González.
Judizioaren gaia: kalifikazio-pieza.
EPAITZA
Baietsi egin Tegraf Ingenieria, S.L. sozietatearen konkurtso-administrazioak konkurtsoa erruduntzat jotzeko egindako eskabidea. Horregatik:
Erruduntzat jotzen dut Tegraf Ingenieria, S.L. sozietatearen konkurtsoa.
Deklaratzen dut ezen Arturo Aguado Ruizi eragiten diola kalifikazio honek, konkurtsoan dagoenaren zuzenbideko administratzailea baita, eta jaun hori kondenatzen da aurreko deklarazio guztiak bere egitera.
Arturo Aguado Ruiz jaunari kondena hau ezartzen zaio: bi urterako gaitasungabetzea, besteren ondasunak administratzeko, baita beste edozein pertsona ordezkatzeko edo administratzeko ere.
Arturo Aguado Ruiz jaunari beste kondena hau ere ezartzen zaio: batetik, konkurtsoaren edo masaren hartzekodun gisa izan dezakeen eskubide oro galtzea, eta, bestetik, bai konkurtsoko zorra, bai masa aktiboa likidatzean hartzekodunek jasotzen ez duten masa ordaintzea.
Konkurtsoan dagoenari eta Arturo Aguado Ruizi ezartzen zaizkio kostuak.
Prozesu hau artxibatzea erabaki da, Oven Martín Acedo, Jesús Coronel Franco eta Feliciano Coronel Francori dagokienez, eta inori ez zaio ezartzen kosturik.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena, eta zein erabaki aurkaratzen diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 0030 1846 42 0005001274. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratuak berak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Bilbon (Bizkaia), bi mila eta hamalauko apirilaren 22an.
Arturo Aguado Ruiz eta Tegraf Ingenieria, S.L. demandatuei behar bezalako jakinarazpena egiteko balio dezan, ematen eta sinatzen dut idazki hau, Bilbon (Bizkaia), bi mila eta hamalauko apirilaren hogeita bian.
IDAZKARIA.
