Euskal Herriko Agintaritzaren Aldizkaria

89. zk., 2014ko maiatzaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

2112

EDIKTUA, ezkontzaz kanpoko seme-alabentzako neurrien gainean bideratutako 477/13 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: 477/13 ezkontzaz kanpoko seme alabentzako neurriak.

Alderdi demandatzailea: Sandra Kelly.

Alderdi demandatua: Basamba Darame.

Gaia: ezkontzaz kanpoko seme-alabentzako neurriak.

Judizio horretan ebazpena eman da, eta honela dio:

192/14 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamalauko apirilaren hogeita bosta.

Alderdi demandatzailea: Sandra Kelly.

Abokatua: Irantzu Berrio-Ochoa de Pedro.

Prokuradorea: Eduardo Ramón López Cruz.

Alderdi demandatua: Basamba Darame.

Parte-hartzailea: Fiskaltza.

Auzigaia: seme adingabearekiko neurri ekonomikoak eta pertsonalak hartzea.

EPAITZA

Partez baiesten dut, seme adingabearekiko honako neurri pertsonal eta mantenu-neurriak eskatuz, Lopez Cruz prokuradoreak Sandra Kellyren izenean eta ordezkaritzan aurkeztutako demanda, auzi-ihesean den Basamba Darame aita/amaren aurkakoa; Fiskaltza ere parte da. Horrenbestez, XXXXX adingabearekiko (2011ko abuztuaren 6an sortua) honako neurri pertsonal eta mantenu-neurri hauek hartzen ditut:

1.– XXXXX adingabearen zaintza eta jagoletza Sandra Kelly amari esleitzen zaizkio; guraso-ahala, berriz, bi gurasoek baliatuko dute.

2.– Basamba Daramek, XXXXX alabarentzako mantenu-pentsio gisa, edozein kontzeptugatik jasotako hileko sarrera garbien ehuneko hogeita ordainduko du, eta, gutxienez, 150 euro, betiere. Zenbateko hori, hileko lehenengo bost egunetan sartuko du, guraso jagoleak horretarako zehazten duen bankuko kontuan. Urtero eguneratu beharko da, betiere Estatistikako Institutu Nazionalak argitaratutako KPIk duen aldakuntzarekin bat etorriz.

3.– XXXXX bien alabak izaten dituen ezohiko gastuak, bi gurasoek erdibana ordainduko dituzte.

4.– Basamba Darame eta XXXXX alaba adingabearen arteko bisita-erregimen hau ezartzen da, bien semearen intereserako gurasoen arteko erabaki hoberik ezean, betiere: jagoletzarik ez duen gurasoa adingabearekin egon ahal izango da bi arratsaldez aste barruan, astearteetan eta ostiraletan, 16:00etatik edo ikastetxetik ateratzen den ordutik –aitak hartuko du ikastetxean ordu horretan– 20:00etara –aitak amaren etxean utziko du ordu horretan–.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau epaitegi honetako iragarki-oholean eta Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2014ko apirilaren 25a.

IDAZKARI JUDIZIALA.

Azterketa dokumentala