Euskal Herriko Agintaritzaren Aldizkaria

89. zk., 2014ko maiatzaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

2111

EDIKTUA, neurri pertsonaletarako demandaren gainean bideratutako 644/13 prozedura arruntaren ondoriozkoa.

JAKINARAZPEN-ZEDULA

Barakaldoko Lehen Auzialdiko 5 zenbakiko Epaitegian (Bizkaia), judizio arruntean, Julio Cesar Hinojosa Alba-ren aurka eta A. G. G.k eskaturik bideratutako 644/13 prozedura arruntean epaia eman da, zeinaren idazpurua eta epaitza honako hauek baitira:

251/14 EPAIA

Epailea: Cristina Lopez de la Fuente.

Lekua: Barakaldo (Bizkaia).

Eguna: bi mila eta hamalauko apirilaren hamarra.

Alderdi demandatzailea: A. C. G.

Abokatua: María Elena García López.

Prokuradorea: Paula Basterreche Arcocha.

Alderdi demandatua: Julio Cesar Hinojosa Alba.

Abokatua.

Prokuradorea.

Auzigaia: neurri pertsonaletarako demanda.

EPAITZA

Julio César Hinojosa Alba jaunaren aurka, A. C. Guzmán andrearen ordezkaritzak aurkeztutako demanda partez baiesten dudanez gero, XXXXX alaba komunari dagokionez honako neurri hauek hartzen ditut:

– Julio César Hinojosa Alba jaunari kendu egiten zaio, XXXXX komunari dagokionez, guraso-ahala baliatu ahal izatea, eta ahal hori amarena bakarrik izango da aurrerantzean.

– Adin txikikoaren zaintza eta jagoletza A. C. G. amari ematea.

– Hileko 300 euroko mantenu-pentsioari eustea; 2008ko maiatzaren 11n ezarri zen pentsio hori, hain justu ere guraso eta seme-alabentzako neurrietako bat zelarik.

– Prozesuan sortarazitako kostuak ez dira berariaz ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banco Santander banketxean duen Gordailu eta Kontsignazioen Kontuan. Kontuaren zenbakia hauxe da: ................ Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Eta Julio Cesar Hinojosa Alba demandatuari behar bezalako jakinarazpena egiteko, eman eta sinatzen dut ediktu hau, Barakaldon (Bizkaia), bi mila eta hamalauko apirilaren hamarrean.

IDAZKARIA.

Azterketa dokumentala