Euskal Herriko Agintaritzaren Aldizkaria

38. zk., 2014ko otsailaren 25a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

LEHENDAKARITZA

902

EBAZPENA, 2013ko abenduaren 27koa, Biktimen eta Giza Eskubideen zuzendariarena. Honen bidez, bakearen, elkarbizitzaren eta giza eskubideen arloan proiektuak burutzen dituzten gizarte-erakunde eta -mugimenduentzako diru-laguntzak ebazten dira.

Biktimen eta Giza Eskubideen zuzendariaren 2013ko urriaren 1eko Ebazpenaren bidez, gizarte-erakunde eta -mugimenduek egindako bakearen, elkarbizitzaren eta giza eskubideen arloko programak eta ekimenak diruz laguntzera bideratutako laguntzak iragarri ziren.

Ebazpen horren 8. artikuluan izendatutako epaimahai kalifikatzaileak diru-laguntzak emateko egindako proposamena aztertuta, honako hau,

EBAZTEN DUT:

Lehenengoa.– I. eranskinean ageri diren erakundeei diru-laguntza ukatzea, eranskinean bertan ematen diren arrazoiengatik.

Bigarrena.– II. eranskinean ageri diren erakundeei bakearen, elkarbizitzaren eta giza eskubideen arloko programak eta ekimenak diruz laguntzera bideratutako laguntzak esleitzea.

Hirugarrena.– Ebazpen honek ez dio administrazio-bideari amaiera ematen, eta, beraren aurka, gora jotzeko errekurtsoa ezar dakioke Lehendakaritzako Bakegintza eta Bizikidetzarako idazkari nagusiari, hilabeteko epean, ebazpena jakinarazi eta hurrengo egunetik aurrera, azaroaren 26ko 30/1992 Legeak, Herri Administrazioen Araubide Juridikoaren eta Administrazio Prozedura Erkidearenak, 114. eta 115. artikuluetan xedatutakoa betez (lege hori urtarrilaren 13ko 4/1999 Legeak aldatu zuen).

Vitoria-Gasteiz, 2013ko abenduak 27a.

Biktimen eta Giza Eskubideen zuzendaria,

MONIKA HERNANDO PORRES.

(Ikus .PDF)

(Ikus .PDF)

Azterketa dokumentala