RSS
26. zk., 2014ko otsailaren 7a, ostirala
- Bestelako formatuak:
- PDF (307 KB - 15 orri.)
- EPUB (1067 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HERRI ADMINISTRAZIO ETA JUSTIZIA SAILA
573
EBAZPENA, 2014ko urtarrilaren 9koa, Toki Administrazioekiko Harremanetarako eta Administrazio Erregistroetako zuzendariarena, Elkarteen Erroldan iragan abenduan egindako inskripzioak eta oharrak argitaratzeko dena.
Euskadiko elkarteei buruzko ekainaren 22ko 7/2007 Legearen 12.2, 29., 38., 39. eta 40. artikuluetan agindutakoaren ondorioetarako eta Euskal Autonomia Erkidegoko Elkarteen Errolda Nagusiaren Erregelamendua onartzen duen uztailaren 29ko 145/2008 Dekretuaren 3.2 artikuluan aurreikusitakoarekin bat etorriz.
Euskal Autonomia Erkidegoko Elkarteen Errolda Nagusiaren Erregelamendua onartzen duen uztailaren 29ko 145/2008 Dekretuaren 4.2 artikuluan ematen zaizkion ahalak erabiliz, eta Herri Administrazio eta Justizia Sailaren egitura organikoa eta funtzionala finkatzen duen otsailaren 23ko 57/2010 Dekretuaren 5. artikulua aintzat hartuta –zeinek 472/2009 Dekretuari 26. artikulua gehitzen baitio-, Toki Administrazioekiko Harremanetarako eta Administrazio Erregistroetako Zuzendaritzak honako hau
EBAZTEN DU:
Lehenengoa.– Abenduan Elkarteen Erregistroan inskribatu diren elkarteen eta federazioen zerrenda Euskal Herriko Agintaritzaren Aldizkarian aditzera ematea, ebazpen honen I. eranskinean agertzen den moduan. Eranskin horretan, egoitza soziala, lurralde-eremua eta hurrenkera-zenbakia adierazten dira.
Bigarrena.– Erregistroaren jardueraren funtsa den publikotasun-printzipioaren ondorioz, erregistratuta dauden baina aldaketak izan dituzten elkarte edo federazioen zerrendak aditzera ematea, guztiek izan dezaten erakunde horien egoeraren berri. Aldaketak jadanik jakinarazi zaizkio Erregistroari, bertan jasota geratzeko edo, hala badagokio, hirugarrenengan ondorioak izateko. Zerrenda horiek aurreko idatzi-zatian adierazitako aipamen berberak jasoko dituzte, II., III. eta IV. eranskinetan aipatzen direnak, hain zuzen ere.
Vitoria-Gasteiz, 2014ko urtarrilaren 9a.
Toki Administrazioekiko Harremanetarako eta Administrazio Erregistroetako zuzendaria,
ELIXABETE ETXANOBE LANDAJUELA.
