Euskal Herriko Agintaritzaren Aldizkaria

73. zk., 2013ko apirilaren 17a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

1808

EDIKTUA, guraso eta seme-alaben arteko harremanak arautzearen gainean bideratutako 930/12 prozeduraren ondoriozkoa.

JAKINARAZPEN-ZEDULA

Epaia eman da Barakaldoko (Bizkaia) Lehen Auzialdiko 5 zenbakiko Epaitegian bideratutako 930/12 prozeduran (ezkontzaz kanpoko seme-alabentzako neurriak). Concepcion Ortega Moralesek du prozedura, Esteban Peña Cabreraren aurka, neurri pertsonalei eta mantenu-pentsioari dagokienez. Hona hemen idazpurua eta epaitza, kopiatuta:

169/13 EPAIA

Epailea: Maria Jesus Gomez Soria.

Lekua: Barakaldo (Bizkaia).

Eguna: bi mila eta hamahiruko martxoaren bosta.

Alderdi demandatzailea: Concepcion Ortega Morales.

Abokatua: Maite Medrano Iza.

Prokuradorea: Jose Felix Basterrechea Aldana.

Alderdi demandatua: Esteban Peña Cabrera.

Abokatua.

Prokuradorea.

Judizioaren gaia: guraso eta seme-alaben arteko harremanak arautzea.

Nik, M.ª Jesús Gómez Soriak, Barakaldoko (Bizkaia) Lehen Auzialdiko (Familia) 5 zenbakiko Epaitegiko magistratu-epaile naizen aldetik, ikusi ditut guraso eta seme-alabentzako neurrietarako 930/12 autoak. Auto horiek: Maite Medrano Iza letraduak lagunduta, Concepción Ortega Morales andrearen izenean eta ordez, Jose Felix Basterrechea Aldana prokuradoreak aurkeztutako demanda dela-eta bideratu dira, auzi-ihesean den Esteban Peña Cabrera jaunaren aurka. Fiskaltzak ere hartu du parte.

EPAITZA

Esteban Peña Cabrera jaunaren aurka, Conchi Ortega Morales andrearen ordezkaritzak aurkeztutako demanda partez baiesten dut, eta elkarrekin duten XXXXX alabari dagokienez honako erabakiak hartzen ditut:

– Amari izendatu zaio alaba adingabearen zaintza eta jagoletza. Guraso-ahala, berriz, aitak eta amak edukiko dute. Aitaren aldeko bisita-erregimenik ez ezarri oraingoz.

– Bien alabaren aldeko mantenu-pentsioa ordaindu beharko du aitak; lana, langabezi saria edo laguntza soziala dela-eta hilero izan litzakeen diru-sarreren % 25ekoa, eta, gutxienez, 100 eurokoa hilean. Pentsioa urtero eguneratu beharko da, INEk edo horren ordezko erakundeak argitaratutako KPIren arabera. Nolanahi ere, ordaindu beharreko kopurua amak hautatzen duen banku-kontuan sartu beharko da, hilabeteko lehenengo bost egunen barruan. Halaber, guraso biek erdibana ordainduko dituzte beren alabak sortzen dituen aparteko gastuak.

Ez da kosturik ezartzen.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakiak zeintzuk diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 4795 0000 02 093012. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Barakaldon (Bizkaia), bi mila eta hamahiruko martxoaren bostean.

Eta Esteban Peña Cabrera demandatuari behar bezalako jakinarazpena egiteko balio dezan, eman eta sinatzen dut hau, Bilbon (Bizkaia), bi mila eta hamahiruko martxoaren seian.

IDAZKARIA.

Azterketa dokumentala