RSS
23. zk., 2013ko otsailaren 1a, ostirala
- Bestelako formatuak:
- PDF (168 KB - 2 orri.)
- EPUB (97 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO EPAITEGIA
639
EDIKTUA, oro har kontratuei buruz bideratutako 1708/11 prozedura arruntaren ondoriozkoa.
JAKINARAZPEN-ZEDULA
Vitoria-Gasteizko Lehen Auzialdiko 2 zenbakiko Epaitegian, 1708/11 prozedura arrunta bideratu da, Jorge Jaime Montero Bellido jaunak eskatuta, Jorge Enrique Potes Arana eta Gilma Rojas Doncel jaun-andreen aurka, kontratu batzuk direla-eta. Prozedura horren gainean, epaia eman da. Hona hemen idazpurua eta epaitza, kopiatuta:
77/12 EPAIA
Epailea: Francisco Javier Pablo Pablo.
Lekua: Vitoria-Gasteiz.
Eguna: bi mila eta hamabiko apirilaren hamaseia.
Alderdi demandatzailea: Jorge Jaime Montero Bellido.
Abokatua: Jorge Jaime Montero Bellido.
Prokuradorea: Iratxe Damborenea Agorria.
Alderdi demandatua: Jorge Enrique Potes Arana eta Gilma Rojas Doncel.
Abokatua.
Prokuradorea.
Judizioaren gaia: gainerako arruntak (42).
Nik, Francisco Javier Pablo Pablok, ikusi ditut 1708/11 zenbakiko judizio arruntaren autoak, zenbateko bat erreklamatzeari buruz epaitegi honetan bideratutakoak, banaketa-txandaren arabera egokitu baitzitzaion. Damborenea prokuradoreak egin zuen eskaera, Jorge Jaime Montero Bellido jaunaren izenean, bere buruaren letradu-lanetan ari dela, Manuel Rubio Pizarro jaunaren aurka, auzi-iheslaria bera.
EPAITZA
Baietsi egiten dut Damborenea prokuradoreak zenbateko bat erreklamatzeko judizio arrunta egiteko eskaria, Jorge Jaime Montero Bellido jaunaren izenean aurkeztutakoa, bere buruaren letradu-lanetan ari dela, Jorge Potes Arana eta Gilma Rojas Doncel jaun-andreen aurkakoa.
Jorge Potes Arana eta Gilma Rojas Doncel jaun-andreak kondenatzen ditut Jorge Jaime Montero Bellido jaunari modu solidarioan 11.199 euro ordaintzera, gehi beren legezko interesa, 2009ko maiatzaren 4tik ebazpen hau ematen den egunera artekoa.
Ateratzen den diru-kopuru likidoak Prozedura Zibilaren Legearen 576. artikuluan –epai-betearazpenetarako– aurreikusitako interesak sortuko ditu (ebazpen honen egunetik ordainketa guztiz egin arte), baldin eta agindutakoa borondatez betetzen ez bada.
Kostuak alderdi demandatuari ezartzen zaizkio.
Jakinaraz bekie ebazpen hau alderdiei.
Aurkaratzeko modua: apelazio-errekurtsoa, Arabako Probintzia Auzitegiari zuzenduta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakiak zeintzuk diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 0010-0000-04-1708/11. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean jarri izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judizial naizenez, horren guztiaren fede ematen dut, Gasteizen, bi mila eta hamaikako apirilaren hamaseian.
Jorge Enrique Potes Arana eta Gilma Rojas Doncel demandatuei behar bezala jakinarazteko balio dezan egin eta sinatzen dut ediktu hau, Vitoria-Gasteizen, bi mila eta hamabiko azaroaren hogeita bian.
IDAZKARIA.