Euskal Herriko Agintaritzaren Aldizkaria

23. zk., 2013ko otsailaren 1a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

XEDAPEN OROKORRAK

KONSTITUZIO AUZITEGIA

620

EDIKTUA, 4540-2012 eskumen-gatazka positiboaren ondoriozkoa.

4540-2012 eskumen-gatazka positiboa, Osasun Sistema Nazionalak Euskal Autonomia Erkidegoan ematen dituen osasun-prestazioen erregimenari buruzko ekainaren 26ko 114/2012 Dekretuaren aurkakoa; zehazki, honako artikulu hauen aurkakoa: 1.a; 2.a (2. eta 3. paragrafoak); 3.a; 4.a; 5.a; 6.a (1. eta 2. paragrafoak); 7.a (2. eta 3. paragrafoak); 8.a (1. eta 2. paragrafoak); eta azken xedapenetatik lehenengoa.

Nazioaren Gobernuak sustatutako 4540-2012 eskumen-gatazka positiboan, Konstituzio Auzitegiaren Osoko Bilkurak, abenduaren 12ko autoaren bitartez, ekainaren 26ko 114/2012 Dekretuko honako artikulu hauei indarraldiaren etenaldia kentzea erabaki du: 1.a; 2.a (2. eta 3. paragrafoak); 3.a; 4.a; 5.a; 6.a (1. eta 2. paragrafoak); 7.a (2. eta 3. paragrafoak) –FJ 6 in fine-n xedatutakoaren ildotik–; eta azken xedapenetatik lehenengoa (114/2012 Dekretua, Osasun Sistema Nazionalak Euskal Autonomia Erkidegoan ematen dituen osasun-prestazioen erregimenari buruzkoa). Halaber, aipatutako 114/2012 Dekretuaren 8. artikuluaren (1. eta 2. paragrafoak) indarraldia etenda mantentzea erabaki du. Etenaldi hori aipatutako eskumen-gatazka positiboa onartzearen ondorioz hasi zen (2012ko abuztuaren 1eko Estatuko Aldizkari Ofiziala, 183. zk.).

Madril, 2012ko abenduaren 12a.

Konstituzio Auzitegiko Osoko Bilkurako justizia-idazkaria,

HERMINIA PALENCIA GUERRA.

Azterketa dokumentala