7. zk., 2013ko urtarrilaren 10a, osteguna
- Bestelako formatuak:
- PDF (165 KB - 1 orri.)
- EPUB (93 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
JAURLARITZAREN LEHENDAKARITZA
196
EBAZPENA, 2012ko abenduaren 13koa, Emakunde-Emakumearen Euskal Erakundeko zuzendariarena, Berdintasunaren Aldeko 2012ko Emakunde Saria nori eman ebazten duena.
Emakunde-Emakumearen Euskal Erakundeko zuzendariaren 2012ko ekainaren 26ko Ebazpenaren bidez, Berdintasunaren Aldeko 2012ko Emakunde Sarirako deia egin zen.
Emakunde-Emakumearen Euskal Erakundeko zuzendariaren 2012ko urriaren 11ko Ebazpenaren bidez izendatutako epaimahaiak –aho batez– erabakitako proposamena kontuan hartuta, honako hau
EBAZTEN DUT:
Lehenengoa.– Berdintasunaren Aldeko 2012ko Emakunde Saria Bilboko asistentzia psikosozialeko moduluei ematea (Errekaldeberri, Deustu-San Inazio eta Irala-Auzolan), sariaren balorazio-irizpideetara ongien egokitzen den hautagaitza delako. Epaimahaiak erakunde horien ibilbidea azpimarratu nahi du; izan ere, 35 urte baino gehiago daramatzate lanean, bide-erakusleak izan dira, eta denboran zehar iraun egin dute, hain zuzen ere, gai izan direlako gizarte-aldaketetara egokitzeko eta eskaerarekiko sentsibilitatea izateko.
Epaimahaiak honako hauek aipatzen ditu, bereziki: emakumeen ekimenez bizilagunen mugimenduetatik sortutako erakundeak direla, autokudeatutako eredu baten bitartez sortuak, erakunde publikoekin lankidetzan; zerbitzuak ematen dituztela modu integral batean eta genero-ikuspegia kontuan hartuta; eta lagundu egiten dutela berdintasunerako oinarrizko alderdien normalizazioan (emakumeek euren gorputzarengan duten kontrola, harreman-moduei buruz erabakitzeko eskubidea, desberdintasuna ikusaraztea edo emakumeen indarkeriaren aurrean dagoen intolerantzia). Orobat azpimarratzen du, batetik, dibertsitatea kontuan hartzen dutela, ezaugarri anitzeko emakumeekin lan egiten baitute, eta, bestetik, euren jardute-eremuak anitzak direla, eta asistentzia, ikerketa eta prestakuntza barne hartzen dituztela.
Bigarrena.– Administrazio-bideari amaiera ematen dion ebazpen honen aurka, berraztertzeko errekurtsoa ezar dakioke ebazpena eman duen organoari berari, hilabeteko epean, ebazpena EHAAn argitaratu eta hurrengo egunetik aurrera; edo, bestela, administrazioarekiko auzi-errekurtsoa jar daiteke dagokion Administrazioarekiko Auzietako epaitegian, bi hilabeteko epean, ebazpena EHAAn argitaratu eta hurrengo egunetik aurrera.
Vitoria-Gasteiz, 2012ko abenduaren 13a.
Emakunde-Emakumearen Euskal Erakundeko zuzendaria,
MARÍA SILVESTRE CABRERA.