Euskal Herriko Agintaritzaren Aldizkaria

252. zk., 2012ko abenduaren 31, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 2 ZENBAKIKO EPAITEGIA

5948

EDIKTUA, 375/12 zenbakiko prozedura arruntaren ondoriozkoa.

Bilboko Lehen Auzialdiko 2 zenbakiko Epaitegia.

Judizioa: 375/12 prozedura arrunta.

Alderdi demandatzailea: Transolver Finance EFC, S.A.

Alderdi demandatua: Margarita Bobadilla Manzanares, Andres Jose Eguiluz Martinez eta Transportes Eguilema I, S.L.

Gaia: judizio arrunta.

Aipatutako judizioan, ebazpena eman da; hona hemen testua:

209/12 EPAIA

Epailea: Ainhoa Escartin Garrido andrea.

Lekua: Bilbao (Bizkaia).

Eguna: bi mila eta hamabiko urriaren hogeita bederatzia.

Alderdi demandatzailea: Transolver Finance EFC, S.A.

Abokatua: Juan Luis Lobeto Guerras.

Prokuradorea: German Apalategui Carasa.

Alderdi demandatua: Margarita Bobadilla Manzanares, Andres Jose Eguiluz Martinez eta Transportes Eguilema I, S.L.

Abokatua.

Prokuradorea.

Judizioaren gaia: kontratuak, oro har.

EPAITZA

Baietsi egiten dut German Apalategui Carasa prokuradoreak Transolver Finance EFC, S.A.ren izenean eta ordez aurkeztutako demanda, Transportes Eguilemai, S.L. eta Andres Eguiluz Martinez eta Margarita Bobadilla Manzanares fidatzaile auzi-iheslarien aurkakoa, eta beraz:

a) Suntsitutzat ematen ditut alderdiek 2008-02-26an eta 2010-10-15ean sinatutako leasing finantza-errentamenduko kontratuak, 2010-10-15ean aldatutakoak.

b) Transolver Finance EFC, S.A. enpresa honako ibilgailu hauen jabea dela deklaratzen dut: Iveco_Pegaso markako 440 E42 TP EURO modeloa (fabrikazio-zenbakia: WJMM1VUH40C205371; matrikula: 0703GBP); eta AS440S48TP modeloa (xasis-zenbakia: WJMM1VUJ00C160534; matrikula: 2481DWH). Horretarako, behar diren aginduak bidaliko zaizkie agintea duten bulego eta erakunde publikoei, eta, batik bat, ondasun mugikorren lurraldeko erregistroari eta Trafikoko Probintzia Buruzagitzari.

c) Transolver Finance EFC, S.A.ri behin betikoz esleitzen dizkiot finantza-errentamenduaren ondoriozko kuoten eraginez sortutako errentak.

d) Transportes Eguilemai, S.L. eta Andres Eguiluz Martinez eta Margarita Bobadilla Manzanares jaun-andreak kondenatzen ditut ondasunak beren jabeari lehenbailehen itzultzera.

e) Demandatuak kondenatzen ditut batera eta solidarioki auzi-jartzaileari sei mila eta hirurogeita lau euro eta laurogeita hamabost zentimo (6.064,95) ordaintzera. Kopuru hori epemugatutako eta ordaindu gabeko finantza-errentamenduko kuotena da.

f) Alderdi demandatua kondenatzen dut itundutako berandutza-interesak ordaintzera, erreklamatuta, zorrean izan eta epemugatuak diren kuotek sortuko dituztenak, hileko % 2an, epemuga-datatik ordainketa guztiz egin artekoak.

g) Demandatuak kondenatzen ditut auzi-jartzaileari kontratuko lehenengo kuotaren besteko kalte-ordaina ordaintzera, 962,51 eurokoa eta 313,10 eurokoa, demanda jartzen den egunetik ondasunak itzultzen diren berandutzako hilabete edo hilabete zati bakoitzarengatik.

h) Eta demandatuei berariaz ezartzen dizkiet kostuak.

Jakinaraz bekie ebazpen hau alderdiei.

Egin bedi ebazpen honen testigantza, batu bekie autoei eta eraman bedi originala epaien liburura.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: inpugnazioa zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 4706 0000 00 0375 12. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Bilbon (Bizkaia), bi mila eta hamabiko urriaren hogeita bederatzian.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2012ko urriaren 29a.

IDAZKARI JUDIZIALA.

Azterketa dokumentala