Euskal Herriko Agintaritzaren Aldizkaria

226. zk., 2012ko azaroaren 22a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 1 ZENBAKIKO ZUZENEKO LAGUNTZA EMATEKO UNITATE PROZESALA

5156

EDIKTUA, zor-aitorpen bati buruz bideratutako 224/11 prozedura arruntaren ondoriozkoa.

JAKINARAZPEN-ZEDULA

Tolosako Lehen Auzialdiko 1 zenbakiko Epaitegian, zorra aitortzeari buruzko 224/11 prozedura arrunta bideratu da, Lindorff Holding Spain S.L.U.k eskatuta, Ioan Klipei, Parasca Klipei eta Gheorghe Klipei-ren kontra. Prozedura horren gainean epaia eman da. Hona hemen idazpurua eta epaitza, kopiatuta:

107/12 EPAIA

Epailea: Marta Martin Iglesias andrea.

Lekua: Tolosa (Gipuzkoa).

Eguna: bi mila eta hamabiko irailaren hamahirua.

Alderdi demandatzailea: Lindorff Holding Spain, S.L.U.

Abokatua.

Prokuradorea: Iñigo Navajas Saiz.

Alderdi demandatua: Ioan Klipei, Parasca Klipei eta Gheorghe Klipei.

Abokatua.

Prokuradorea.

Judizioaren gaia: zor-aitorpena.

Marta Martín Iglesias andreak, Tolosako eta bere barrutiko Instrukzioko 1 zenbakiko Epaitegiko epaile denak, ikusi ditu, zenbateko bat erreklamatzeko, 224/11 judizio arruntaren auto hauek. Judizio horretan honako hauek izan dira parteak: demandatzaile gisa, hasieran Banco Santander, eta geroztik Lindorff Holding Spain, S.L.U., Iñigo Navajas Saiz prokuradoreak ordezkatuta eta José Manuel Cortés Tamés letratuak lagundura; eta demandatu gisa, Ioan Klipei, Parasca KlipeI eta Gheorghe Klipei jaunak, auzi-ihesean direnak.

EPAITZA

Ioan Klipei, Parasca KlipeI eta Gheorghe Klipei jaunen aurka, hasieran Banco Santander, S.A.k eta geroztik Lindorff Holdig Spain S.L.U.k aurkeztutako demanda baietsi egiten dut; eta demandatzaileari honako hauek pagatzera kondenatzen ditut jaun horiek: tronkoaren hamaika mila laurehun era bat euro eta zentimoa bat (11.401,01); demanda aurkeztu zenetik ordainketa guztiz egina arteko interes legezkoak; eta auzialdi honetan sortutako kostuak.

Auzi-ihesean diren demandatuei jakinaraz bekie ebazpen hau, 496. artikuluan eta hurrengoetan ezarritako eran.

Aurkaratzeko modua: Gipuzkoako Probintzia Auzitegian apelazio-errekurtsoa aurkeztuta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 00301846420005001274, eta kontzeptua: 1864000004022411. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judizial naizenez, horren guztiaren fede ematen dut, Tolosan (Gipuzkoa), bi mila eta hamabiko irailaren hamahiruan.

Eta Gheorghe Klipei, Ioan Klipei eta Parasca Klipei demandatuei behar bezalako jakinarazpena egiteko balio dezan, ematen eta sinatzen dut ediktu hau, Tolosan (Gipuzkoa), bi mila eta hamaikako irailaren hamazazpian.

IDAZKARIA.

Azterketa dokumentala