RSS
226. zk., 2012ko azaroaren 22a, osteguna
- Bestelako formatuak:
- PDF (167 KB - 2 orri.)
- EPUB (95 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 2 ZENBAKIKO EPAITEGIA
5155
EDIKTUA, jabetza horizontalari buruzko 410/12 ahozko judizioaren ondoriozkoa.
JAKINARAZPEN-ZEDULA
Bilboko Lehen Auzialdiko 2 zenbakiko Epaitegian, 410/12 hitzezko judizioaren prozedura bideratu da, Bilboko Zorrotzako Lorategien kaleko 8ko jabekide-erkidegoak eskatuta, Sandra Milena Jaramillo Villa eta Carlos Eduardo Varona Guillenen aurka, jabetza horizontalari buruz. Prozedura horren gainean epaia eman da. Hona hemen idazpurua eta epaitza, kopiatuta:
187/12 EPAIA
Epailea: Maria Carolina Serrano Gomez andrea.
Lekua: Bilbao (Bizkaia).
Eguna: bi mila eta hamabiko irailaren hemeretzia.
Nik, Carolina Serrano Gómezek, Bilboko eta haren barruti judizialeko Lehen Auzialdiko 2 zenbakiko Epaitegiko epaile-magistratu naizenak, ikusi ditut 410/12 zenbakiko ahozko judizioko autoak, zeinek epaitegietako prokuradore Vanesa Díazek sustatu baititu, Bilboko Zorrotzako Lorategien kaleko 8ko jabekide-erkidegoko lehendakari den Santiago Casadoren izenean eta ordez, letratu Roberto Garcíak lagunduta, auzi-ihesean diren Carlos Eduardo Varona Guillén eta Sandra Milena Jaramillo Villaren aurka. Horrenbestez, epai hau ematen dut, praktiketan ari den Arrate Romaneli Martínez epaileak egindako minutaren arabera, eta oinarriak ere ematen ditut aditzera.
EPAITZA
Baietsi egiten dut Bilboko Zorrotzako Lorategien kaleko 8ko jabekide-erkidegoak Diaz andreak ordezkaturik eta García Sánchez jaunak lagundurik aurkeztutako demanda, Carlos Eduardo Varona Guillén eta Sandra Milena Jaramillo Villaren aurkakoa, eta
Carlos Eduardo Varona Guillén eta Sandra Milena Jaramillo Villa jaun-andreak kondenatzen ditut honako hauek ordaintzera: hiru mila bederatziehun eta bederatzi euro eta bost zentimo (3.909,05), legezko interesa —gehi bi puntu ebazpen honen egunetik aurrera— eta kostuak.
Aurkaratzeko modua: apelazio-errekurtsoa, Bizkaiko Probintzia Auzitegiari zuzenduta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hau da: 47060000041012. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean, diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Sandra Milena Jaramillo Villa demandatuari legez jarritako moduan jakinarazteko egin dut ediktu hau, Bilbon (Bizkaia), bi mila eta hamabiko irailaren hemeretzian.
IDAZKARIA.